საავტომობილო ზეთებისა და საავიაციო ნავთის იმპორტი საქართველოში გაიზარდა

„2022 წლის იანვარ-აგვისტოს განმავლობაში საცხებ-საპოხი მასალების იმპორტმა შეადგინა 14,06 ათასი ტონა, რაც 2,11 ათასი ტონით ანუ 17,7%-ით მეტია წინა წლის ანალოგიური პერიოდის მაჩვენებელთან (11,95 ათასი ტონა) შედარებით.

მიმდინარე წლის იანვარ-აგვისტოს განმავლობაში საცხებ-საპოხი მასალების იმპორტის ყველაზე დიდი მოცულობა განხორციელდა ირანიდან – 2,59 ათასი ტონა, რაც მთელი იმპორტის 18,4%-ს შეადგენს და თურქეთიდან – 2,59 ათასი ტონა (18,4%). შემდეგ მოდიან: რუსეთი – 1,76 ათასი ტონა (12,5%); გერმანია – 1,34 ათასი ტონა (9,5%) და სხვა.

2022 წლის იანვარ-აგვისტოს პერიოდში საავიაციო ნავთის იმპორტმა შეადგინა 83,7 ათასი ტონა, რაც 28 ათასი ტონით ანუ 50,3%-ით მეტია 2021 წლის ანალოგიური პერიოდის მაჩვენებელთან (55,7 ათასი ტონა) შედარებით.

მათ შორის, მიმდინარე წლის იანვარ-აგვისტოს განმავლობაში საავიაციო ნავთის იმპორტის 62,8% (52,6 ათასი ტონა) განხორციელდა თურქმენეთიდან, 14,9% (12,5 ათასი ტონა) – საბერძნეთიდან, 13,4% (11,2 ათასი ტონა) – თურქეთდან და სხვა,“- აღნიშნულია იმპორტიორთა კავშირის ინფორმაციაში.