ქობულეთში, მანდარინის მიმღებ ქარხანასთან მანდარინით დატვირთული ავტომანქანების რიგები დგას. ფერმერებს არასტანდარტული მანდარინის ჩასაბარებლად რამდენიმე დღის განმავლობაში უწევთ რიგში დგომა. წელს ქობულეთში მანდარინს მხოლოდ ერთი ქარხანა Georgian Industrial Asset Management Group იღებს. ერთი კილოგრამი არასტანდარტული მანდარინი 20 თეთრი ღირს. აქედან 10 თეთრს ქარხანა იხდის, 10 თეთრი კი სახელმწიფოს სუბსიდიაა.
ერთ-ერთი მოქალაქის თქმით, მანდარინით დატვირთული მისი მანქანა საწარმოსთან 5 იანვრის შემდეგ დგას და მხოლოდ დღეს შეიყვანა ქარხნის ტერიტორიაზე. ის ამბობს, რომ ამდენი ხნით დაყოვნება აფუჭებს მანდარინს. გარდა ამისა, კომენდანტის საათის გამო, სოფლიდან ქარხანაში ყოველ დღეს მისვლა ჭირს.
აჭარის სოფლის მეურნეობის მინისტრის მოადგილე, სულხან მოწყობილი „ბათუმელებთან“ ამბობს, რომ მანქანების რიგი ქარხნის წინ ჩვეულებრივი მოვლენაა და ამაში საგანგაშო არაფერია. თუმცა, ის ირწმუნება, რომ მანქანებს 5-6 დღით დაყოვნება ქარხანასთან არ უწევთ.
„რიგი უწყვეტ მდგომარეობაშია ქარხანასთან და ეს არის სამუშაო რეჟიმი. რიგი უნდა იყოს ჩვეულებრივად, რომ ქარხანამ იმუშაოს. ქარხანას ხომ თავისი წარმადობა აქვს. ამ წარმადობის მიხედვით, ქარხანა ამუშავებს 300 ტონა მანდარინს დღე-ღამის განმავლობაში. თუ ეს მანდარინი ადგილზე არ მივიდა და რაღაც კონკრეტული, პატარა რიგი მაინც არ გაკეთდა, ქარხანა არ იმუშავებს. ეს არის ჩვეულებრივი მოვლენა,“ – ამბობს ის.
https://batumelebi.netgazeti.ge/
მსგავსი სტატიები:
არჩევნების თემასთან დაკავშირებით- იუმორი
ოზურგეთში ქუჩის მუსიკოსები გამოჩნდნენ
“American Dream“-ბოხვაურში ინგლისურ ენაში შიდა დაკვირვების გაკვეთილი ჩატარდა
“მე გეტყვით როგორი მამაა თემური” – ლანჩხუთში გარდაცვლილი გოგონას ახლობელი
სესილი თოდრაძე-ჩაისთან მოსაყოლი ამბავი
“კიდევ ასეთი სცენა მახსოვს, თითქოს ფირნაწვიმი ფილმის ნაწილი”-კეკელიძე
რა იგონებდა მხატვარი გიორგი ერისთავი
საპროტესტო აქცია ოზურგეთში-ვისია დვაბზუს საკონსერვო ქარხანა?!