ოზურგეთში მეოცე საუკუნის დასაწყისში იყო მღვდელი დიომიდე შილაკაძე, რომელიც დღისით წირავდა, ღამით კი გურიის კომიტეტის დავალებებს ასრულებდა, ტერორისტულ აქტებს აწყობდა. მიტინგებსა და კრებებზე გამოსვლისას ის ხალხს მოუწოდებდა შეიარაღებული აჯანყებისაკენ და დემოკრატიული რესპუბლიკის შექმნისაკენ.
,,დიომიდე შილაკაძე მართალია რომ მღვდელი იყო, მაგრამ როდესაც დაიწყო ძველი მეფის ჩამოგდებაზედ პოლიტიკური მუშაობა დიომიდემ… მღვდლის ფორმა გაიძრო და ღობეზედ მიაკიდა. იბრძოდა მხოლოთ რომე ჩაგრული ხალხის განთავისუფლებაზედ…” წერდა აპოლონ გუნთაიშვილი საკუთარ დღიურებში.
შილაკაძე ყოველ გამოსვლას ასეთი სიტყვებით ამთავრებდა – რესპუბლიკავ, თავს გავსწირავ შენი გულისთვის! ის ერთადერთი მღვდელი იყო, ვინც აკრძალვის მიუხედავად ისევ ქართულად წირავდა.
გადმოცემის თანახმად, როცა ოზურგეთში კაზაკების სადამსჯელო ჯარი შევიდა, შილაკაძე ღვთისმშობლის მიძინების ხის ეკლესიაში წირვას აღავლენდა. რუსებმა ეკლესიას ცეცხლი წაუკიდეს, მაგრამ მიუხედავად ამისა შილაკაძე ისევ განაგრძობდა თურმე წირვას და ის ძლივს გამოიყვანეს გარეთ. საბოლოოდ შილაკაძე დააპატიმრეს და ის 1910 წელს ოზურგეთის ციხეში გარდაიცვალა. ხის ეკლესიის ადგილას მოგვიანებით ახალი ეკლესია ააშენეს.
ფოტო ოზურგეთის ისტორიული მუზეუმიდან.
გურიის რესპუბლიკა
ფოტოს და მასალას დიომიდე შილაკაძის შესახებ ოზურგეთის საკრებულოს დეპუტატი. გოჩა შილაკაძე, საკუთარ ფეისბუკ გვერდზე აქვეყნებს, რომელიც,სხვათაშორის, დიომიდე შილაკაძის შვილთაშვილია.
გააზიარეთ და მოიწონეთ სტატია:
მსგავსი სტატიები:
გურიის მეაბრეშუმეობის ისტორიიდან – სავაჭრო-სამრეწველო ამხანაგობა „შუამავალი“
სოფელი შემოქმედი, ექადია და ნაგომარი გასულ საუკუნეში(ფოტოამბავი)
გურული ბაღანა და გურულები გასული საუკუნის ღია ბარათებზე
მახარაძის ფეხბურთის გუნდი “კოლმეურნე” 1958 წელი
“ქართველები უმეცარნი არიან, სასულიერო პირებიც კი უმეცრებასა და სიღარიბეში ცხოვრობენ” – წერილი რუსეთის იმპერატორს
გურულები განსაკუთრებულად სალმიანები და ამაყები არიან-ამონარიდი დუბროვინის ნაწარმოებიდან
,,ჰუიმე, ღმერთო მომკალი, ქაიხოსრო გურიელი და მამაძაღლიო!” მყისვე იშიშვლა ხმალი და ორად გააპო რუსი” – რას იხსენებდა ექვთიმე თაყაიშვილი
1887 წლის მიწისძვრა და ლანჩხუთ-ჩოჩხათის „პრიგოვორები“