94 წლის ასაკში მხატვარი ჯიბსონ ხუნდაძე გარდაიცვალა, – ამის შესახებ თბილისის სახელმწიფო სამხატვრო აკადემიის რექტორი გია გუგუშვილი სოციალურ ქსელში წერს.
ჯიბსონ ხუნდაძემ დაამთავრა თბილისის სახელმწიფო სამხატვრო აკადემიის ფერწერის ფაკულტეტი. 1957-1960 წლებში იყო ი. ნიკოლაძის სახელობის სამხატვრო სასწავლებლის, 1962-1964წწ. თბილისის სახელმწიფო უნივერსიტეტის ხელოვნების განყოფილებისა და საქართველოს პოლიტექნიკური ინსტიტუტის არქიტექტურის ფაკულტეტის ხატვა-ფერწერის პედაგოგი.
ჯიბსონ ხუნდაძის გამოფენები მოეწყო საქართველოში, რუსეთში, საფრანგეთში, გერმანიაში, პოლონეთში, იაპონიაში, უკრაინაში, ისლანდიასა და შვეიცარიაში; ავტორია ჟურნალ-გაზეთებში თანამედროვე ხელოვნების საკითხებზე გამოქვეყნებული წერილებისა. მისი ნამუშევრები დაცულია საქართველოს ხელოვნების მუზეუმში, კულტურის სამინისტროს ფონდში, საფრანგეთის, აშშ, იტალიის, ავსტრიის კერძო კოლექციებში. არის მე-6 მსოფლიო ფესტივალის ლაურეატი (1956), ფესტივალ „თბილისური გაზაფხულის“ ლაურეატი (1997), ხელოვნების საერთაშორისო ფესტივალის გრან-პრიზის მფლობელი (1999). მიღებული აქვს საქართველოს ეროვნული პრემია, შოთა რუსთაველის სახელობის სახელმწიფო პრემია, ასევე საქართველოს სახელმწიფო პრემია, ნიკო ფიროსმანის სახელობის პრემია. არის ღირსების ორდენოსანი.
მსგავსი სტატიები:
მიტროპოლიტ სტეფანეს კორონავირუსი დაუდასტურდა
“ვის და რას ეწირებიან ბავშვები? სადაც მკვლელს ხელს არავინ დაუჭერს უკანასკნელ წამს!”
ისტორიული და გამოგონილი პერსონაჟების “რეალური” გამოსახულებები
“მოსახლეობის გადამოწმების მიზნით, ხვალ, ბახმაროში, მასიური ტესტირება დაიწყება”
რეკომენდაციაა, პირბადის ტარება ღია სივრცეშიც დაწესდეს
11 ოქტომბრის კოვიდსტატისტიკა
“მტრის ნომერ პირველი სამიზნე ყველა უკრაინელია – ყველა ქალი, ყველა ბავშვი”- ოლენა ზელენსკა
„დეგრადირებული“ – გოგა ხაინდრავა კარლ ბილდტზე