„სააკაშვილის სახელი ჰქვია ყველა იმ ტყვიას, რომელიც მოხვდა ადამიანებს და გამოასალმა სიცოცხლეს ან ისეთი ზიანი მიაყენა მის ჯანმრთელობას, რომ წლების შემდეგ კიდევ აქვს ეფექტი მის ცხოვრებაზე“,- ამის შესახებ პარალმენტის პირველმა ვიცე-სპიკერმა გია ვოლსკიმ განაცხადა.
მისი თქმით, მან ძალიან მძიმე მემკვიდრეობა დაუტოვა ქვეყანას.
„სააკაშვილი დესტრუქციული ძალაა. რასაკვირველია, რაღაც პროგრესული ნაბიჯებიც იყო თავიდან, მაგრამ როცა ჩვენ ვლაპარაკობთ უამრავ ადამიანზე, რომელიც ეწამა, სიცოცხლე, ჯანმრთელობა, საცხოვრისი, ქონება დაკარგა და იმაზე, რომ საქართველომ დაკარგა ტერიტორიების მნიშვნელოვანი ნაწილი, რასაკვირველია არ უნდა ვსაუბრობდეთ იმაზე, არის თუ არა სააკაშვილი ადამიანი, რომელსაც შეუძლია პროგრესი უზრუნველყოს საქართველოში.
ადამიანების ცხედრები ბრძოლის ველზე, მზის ქვეშ მიტოვებული – ამ ვითარებასაც ჰქვია სააკაშვილის სახელი, უამრავი მშვიდობიანი მოსახლე არ გამოიყვანეს თავის დროზე ამ საბრძოლო მოქმედებებიდან და გვიმტკიცებდნენ, რომ რუსეთი ამ კონფლიქტში არ მონაწილეობს – ამასაც ჰქვია სააკაშვილის სახელი. დანარჩენი საზოგადოებამ უნდა შეაფასოს“,- განაცხადა ვოლსკიმ.
მსგავსი სტატიები:
ICC-ს ფონდი აგვისტოს ომის მსხვერპლებისთვის €600 000-ს დახმარების პროგრამას იწყებს
“ჩემი ნება, რომ იყოს, ავკრძალავდი მომავალი თაობის სადღეგრძელოს, სანამ ქუჩაში მშიერი ბავშვები დადიან”
წელს შემოსავალი 160 000-მა დაქირავებით და 250 000-მა თვითდასაქმებულმა დაკარგა
გამოკითხულთა 59% ამბობს, რომ ქვეყანა არასწორი მიმართულებით ვითარდება – Ipsos
“ბატონი ღარიბაშვილი, პრობლემებით სავსე ხელებით წავიდა”
“ე.წ. ოპოზიციონერები” – შალვა ნათელაშვილის სია
არჩევნების გაყალბების მზაკვირობა მზადდება – არმაზ ახვლედიანი
გოგი წულაია პატიმრობიდან გაათავისუფლეს