საქართველოს პრეზიდენტი, სალომე ზურაბიშვილი საკუთარ ფეისბუკ გვერდზე განცხადებას ავრცელებს და იმ ადამიანებს პასუხობს, ვინც სოფელ ჭორვილასთან დაკავშირებით შურაცხმყოფელ განცხადებებს ავრცელებს:ჭორვილა თუ არა ჭორვილა! პოლიტიკური სფეროს სხვადასხვა “ლიდერების” განცხადებებზე კომენტარების გაკეთება არ მჩვევია, თუმცა ამ შემთხვევაში, არა თუ დასაშვებად, არამედ აუცილებლადაც კი მიმაჩნია პასუხის გაცემა ისეთ შეურაცხმყოფელ განცხადებაზე, როგორიც ცოტა ხნის წინ გაკეთდა. თურმე “ფსიქიკურად” შეშლილი უნდა იყო, რომ ჭორვილაში 15 წელი იცხოვრო. ეს შეურაცხყოფაა, არა კონკრეტული ადამიანისა, როგორც ამ პიროვნებას ჰგონია, არამედ ზოგადად, ჩვენი სოფლად მცხოვრები მოქალაქეებისა. შეურაცხყოფაა იმ ადამიანებისა, რომლებზეც დიდწილად დგას ჩვენი აწმყო და მომავალი. სწორედ სოფლად მცხოვრებლებმა მოგვიტანეს ბოლო პერიოდის ყველაზე დიდი წარმატებები: მეღვინეობის ტრადიციების აღდგენა, ტურიზმი. სამაგიეროდ, ვიცით თუ რა მოუტანა საქართველოს ახლო წარსულში სოფლისა და მთის დაცლამ. ვიცით ჩვენი წინაპრები, როგორ დიდ მნიშვნელობას ანიჭებდნენ სოფელს და ადგილობრივ წეს-ჩვეულებებს, ჩვენი იდენტობისა და თვითმყოფადობის შესანარჩუნებლად. ვინც ამას ვერ აფასებს, ის საქართველოს ნიჭსა და ძალასაც ვერარას გაუგებს. მე პირადად, საკუთარი გამოცდილებიდან გამომდინარე, შემიძლია ვთქვა, თუ რა დიდი ტკივილი და დანაკლისია, როცა კომუნიზმმა და ემიგრაციამ ჩამოგაშორა სოფელს და მამულს. ნეტავ მქონდეს მეც ჩემი ჭორვილა!
მსგავსი სტატიები:
“ოცნება” არის ყველაფერზე წამსვლელი, ახლა მთავარია ქვეყანა არ დაზარალდეს”
“ივანიშვილი ცდილობს, სიღარიბე ქვეყანაში გაასაღოს, როგორც მემკვიდრეობით მიღებული რეალობა“-სააკაშვილი
“ასეთი ძლიერი და საინტერესო პიროვნება პოლიტიკაში იშვიათია”
“ეს არის ყველაზე ლამაზი დროშა მსოფლიოში”-სააკაშვილი
“სიყვარული გვაძლიერებს”- ცოტნე გამსახურდიას მეუღლე
ვაქცინაციის დროს გაშიშვლებული პოლიტიკოსების ფოტოები ინტერნეტტრენდად იქცა
გერმანიიდან ვაკანსიები შემოვიდა- კანდიდატების შერჩევა დაიწყო
გამოქვეყნდა აშშ-ის პრეზიდენტისა და ვიცე-პრეზიდენტის საგადასახადო დეკლარაციები