„დეოლიგარქიზაციის შესახებ“ კანონის მიღება ჩვენნაირ ქვეყანაში, სადაც არ გვაქვს სახელმწიფო ინსტიტუტები, ძალიან დამაზიანებელი იქნება – ივანიშვილი საჯარო პოლიტიკაში უნდა დაბრუნდეს, ეს არის ერთადერთი პასუხი იმ პრობლემაზე, რომელიც დაგვისვეს,- ამის შესახებ „გირჩის“ დეპუტატმა ვახტანგ მეგრელიშვილმა განაცხადა.
მისი თქმით, კანონის მიღება პრობლემას ვერ გადაწყვეტს, რადგან ივანიშვილი მიუხედავად იმისა, რომ მმართველ პოლიტიკურ ძალას მართავს, ის ოლიგარქი არ არის.
„ამ საკითხთან მიმართებით აქ არის პატარა გაუგებრობა, ჩვენ ეს საკითხი ისეთი გაგებით, როგორც უკრაინას ეხებოდა, არ გვეხება. ჩვენ გვაქვს საერთოდ სხვა პრობლემა – სისტემაში ვერტიკალის ერთ ადამიანზე დამოკიდებულების პრობლემა და აქ არაფერ შუაშია ამ ადამიანის ფინანსური მდგომარეობა.
ჩემი აზრით, მნიშვნელოვანია ღიად ვთქვათ, რა პრობლემა გვჭირს, ეს კონკრეტული კანონი ადამიანის უფლებების შემზღუდველია, არათუ არ დაგვეხმარება, რომ ევროპული ქვეყანა გავხდეთ, არამედ პირიქით – ამ ტიპის კანონმდებლობის მიღება, ჩვენნაირ ქვეყანაში, რომელშიც არ გვაქვს კანონის უზენაესობა, არ გვაქვს ინსტიტუტები და ა.შ. ეს იქნება ძალიან დამაზიანებელი. მოგვიწევს ავხსნათ, რომ „დეოლიგარქიზაციის შესახებ“ კანონს არ აქვს კავშირი ქვეყნის ევროკავშირში ინტეგრაციასთან. რეკომენდაციებში იმიტომ ჩაიწერა, რომ საუბარია ივანიშვილზე, რომელიც ერთპიროვნულად შეუძლია მმართველი პოლიტიკური ძალის მართვა, მაგრამ ის არანაირი ოლიგარქი არ არის. იმ გაგებით, რა გაგებითაც უკრაინული კანონმდებლობაა წარმოდგენილი, ეს ბიძინა ივანიშვილს საერთოდ არ ეხება. თუ მართლა გვინდა პოლიტიკური პრობლემა გადავწყვიტოთ და ევროპელებსაც კითხვა არ ჰქონდეთ, მაშინ ბიძინა ივანიშვილი საჯარო პოლიტიკაში უნდა დაბრუნდეს. ეს არის ერთადერთი პასუხი იმ პრობლემაზე, რომელიც დაგვისვეს,“ – განაცხადა მეგრელიშვილმა.
მსგავსი სტატიები:
ირაკლი ჩავლეიშვილისთვის შეურაცხყოფის მიყენების ფაქტზე შინაგან საქმეთა სამინისტრომ ერთი პირი დააკავა
“ოპოზიცია ცდილობს, სოციალური თუ ნებისმიერი საპროტესტო მუხტით ხელი მოითბოს”
“იცნობდეთ ივანიშვილის პირად ცენზორებს…რომლებიც “მთავარი არხის” დახურვის დავალებას თანმიმდევრულად ასრულებენ”-ნიკა გვარამია
გიორგი თარგამაძის ედიტორიალი: “ცარიალ მშვიდაბა..”
“პირველი საბრძოლო დავალება შესრულებულია! – ოპერაცია წარმატებული იყო…ქართველების ჯგუფს ერთი ნაკაწრი არ გვაქვს…ოკუპანტებიდან ბევრი გაუყვა საიქიოს გზას”-ალეკო ელისაშვილი
პუტინმა კადიროვს გენერალ-ლეიტენანტის სამხედრო წოდება მიანიჭა
ცდილობენ, თუ სტატუსს მივიღებთ, ეს დაიბრალონ და თუ ნეგატიური გადაწყვეტილება იქნება, ხელისუფლებას დაბრალდეს – მამუკა მდინარაძე ოპოზიციაზე
დღეიდან ესტონეთი შენგენის ვიზის მფლობელ რუსეთის მოქალაქეებს ქვეყანაში არ შეუშვებს