ჩეჩნეთის ლიდერი რამზან კადიროვი აცხადებს, რომ მასზე დაწესებული სანქციების რაოდენობით მალე გინესის რეკორდსმენი გახდება.
მისივე თქმით, თუ ჰოლივუდი კადიროვზე ფილმს გადაიღებს, მზადაა, რომ „მთავარ როლში ითამაშოს“.
„მეგობრებო, უახლესი სანქციების ფონზე გადავწყვიტე დათვლა, რამდენი სანქცია წამოაყენეს ჩემს წინააღმდეგ. რა მოხდება, თუ მე ვარ სანქციების მსოფლიო რეკორდსმენი და უნდა ვიყო გინესის რეკორდების წიგნის გარეკანზე?
2011 წლიდან, სულ მცირე 70 სანქცია დაწესდა ჩემს მიმართ, მათ შორის ჩემი ოჯახის წევრების, ჩემი ახლო თანამოაზრეების, ჩემი ქონების, ჩემი ცხენების და მათი მოგებიდან მიღებული შემოსავლის მიმართ.
ლუკაშენკოს და ბაშარ ალ-ასადი ასეთი რაოდენობის სანქციებით ვერ „ტრაბახობენ“. ჩრდილოეთ კორეის ლიდერსაც კი გავუსწარი.
უცხოელები უკვე 11 წელზე მეტია ცდილობენ ყველაფერს მომაშორონ, მაგრამ, როგორც ხედავთ, არაფერი გამოსდით, თუმცა დასავლეთის ასეთი უზარმაზარი შრომა არ უნდა დაიკარგოს. ჯერ რუსეთის რეკორდების წიგნს მივმართავ, ის ჩემთვის უფრო ახლო და ძვირფასია, შემდეგ კი, იმისთვის, რომ უცხოელმა პოლიტიკოსებმა იგრძნონ, რომ ტყუილად არ დამიწესეს სანქციები 11 წლის განმავლობაში, მე გინესის რეკორდების წიგნს შევუერთდები.
იქნებ, საშინელ რამზან კადიროვზე ფილმის გადაღება მოუნდეთ ჰოლივუდში? მთავარი როლის სათამაშოდ მზად ვარ“, – აცხადებს კადიროვი.
მსგავსი სტატიები:
კორონავირუსის ვაქცინაზე დარეგისტრირებული ექიმების ჯავშანი შეცვლილია
“ფრთხილად! ნუ ეთამაშებით ღვთისმშობლის ქვეყანას”
“მათ სურთ სხვის ბუდეში კვერცხის დადება” – კობახიძე
პური შესაძლოა, ოქტომბრის შემდეგ კიდევ გაძვირდეს
ესპანეთში ქურდობისთვის 9 ქართველისგან შემდგარი დაჯგუფება დააკავეს
რესტორნებში დახარჯული ბიუჯეტის ფული – ,,ოცნების” საახალწლო ქეიფი ათასობით ლარი დაჯდა
მოლაპარაკებებზე დიდ მოლოდინს არ ვამყარებ – კულება ლავროვთან შეხვედრამდე ერთი დღით ადრე
შემიძლია მოგილოცოთ მთელ ქვეყანას, სანქციები დაწყებულია – შალვა ნათელაშვილი