შინაგან საქმეთა სამინისტროს გურიის პოლიციის დეპარტამენტის თანამშრომლებმა, ჩატარებული ოპერატიული და საგამოძიებო ღონისძიებების შედეგად, 1985 წელს დაბადებული გ.ს. ჩოხატაურის მუნიციპალიტეტის სოფელ ბუკნარში მომხდარ ფიზიკური დაპირისპირების ფაქტთან დაკავშირებით დააკავეს. მას ბრალი ძალადობაში ედება. ამის შესახებ ინფორმაციას შსს ავრცელებს.
„გამოძიებით დადგინდა, რომ ჩოხატაურის მუნიციპალიტეტის სოფელ ბუკნარში მცხოვრებმა გ.ს.-მ მიმდინარე წლის 12 იანვარს, ურთიერთშელაპარაკების დროს, თანასოფლელებს – 2003 დაბადებულ ნ.ი.-სა და 2003 წელს დაბადებულ მ.ი.-ს ქვის გამოყენებით თავის არეში დაზიანებები მიაყენა.
ორივე დაშავებული საავადმყოფოში გადაიყვანეს, სადაც მედიკოსებმა შესაბამისი სამედიცინო დახმარება გაუწიეს. მათ სიცოცხლეს და ჯანმრთელობას საფრთხე არ ემუქრება.
გამოძიება საქართველოს სსკ-ის 126-ე მუხლის პირველი ნაწილით მიმდინარეობს, რაც ცემას ან სხვაგვარ ძალადობას გულისხმობს და ექვსი თვიდან ერთ წლამდე ვადით თავისუფლების აღკვეთას ითვალისწინებს“, – ნათქვამია უწყების განცხადებაში.
მსგავსი სტატიები:
კახეთში 11 წლის ბავშვი სავარაუდოდ გააუპატიურეს – 34 წლის მამაკაცი პოლიციამ უკვე დააკავა
ოზურგეთში 11 წლის გერთან სექსუალური ხასიათის დანაშაულისთვის მამინაცვალი დააკავეს
ვინ არის ლანჩხუთში მოკლული მამაკაცი
სოფელ დიღომში სროლის შედეგად 4 პირია დაჭრილი
შინაგან საქმეთა სამინისტრომ პოლიციელებზე თავდასხმის ბრალდებით გურიაში 13 პირი დააკავა
სისხლიანი გარჩევა ოზურგეთში – დაჭრილია 16 წლის ბიჭი
რუსთავში ერთი მამაკაცი მოკლეს, მეორე კი დაჭრეს
მუხაესტატეში, პოლიციის შენობის წინ ახალგაზრდა დაჭრეს -სამართალდამცველები დამნაშავეს ამ დრომდე ეძებენ