ომის კვლევის ინსტიტუტი (ISW) წერს, რომ უკრაინამ უნდა დაიბრუნოს რუსეთის მიერ ოკუპირებული ტერიტორიები, რათა უზრუნველყოს მისი გრძელვადიანი უსაფრთხოება და ეკონომიკური სიცოცხლისუნარიანობა.
ყოველდღიურ მიმოხილვაში ანალიტიკოსები წერენ, რომ უკრაინის ეკონომიკის აღდგენისთვის საჭიროა ზაპოროჟიეს ოლქის, ასევე დონეცკისა და ლუგანსკის რეგიონების უმეტესი ნაწილების გათავისუფლება, მათ შორის 2014 წელს რუსეთის მიერ ოკუპირებული ტერიტორიის ნაწილის მაინც.
რუსეთის მიერ ოკუპირებული ტერიტორიების დაბრუნება ასევე აუცილებელია უკრაინისთვის სტრატეგიული მიზნებისთვის, წერენ ISW ექსპერტები უკრაინის შესახებ რეგულარულ ანგარიშში. მათი თქმით, უკრაინის შესაძლებლობა, დაიცვას თავი მომავალში ახალი რუსული თავდასხმისგან, მოითხოვს ხერსონისა და ზაპოროჟიეს რეგიონების უმეტესობის გათავისუფლებას.
ანალიტიკოსებო ფიქრობენ, რომ უკრაინის უსაფრთხოება მნიშვნელოვნად გაძლიერდება ყირიმის გათავისუფლებით, რაც ასევე დაეხმარება NATO-ს სამხრეთ-აღმოსავლეთ ფლანგის დაცვაში.
ISW-ის თანახმად, ნაკლებად სავარაუდოა, რომ პუტინმა უკრაინასთან მიმართებაში გეგმები შეცვალოს, მიუხედავად იმისა, რომ შეიძლება მოხდეს ცეცხლის შეწყვეტა ან სიტუაციის სხვა დროებითი დარეგულირება. ექსპერტები ამბობენ, რომ მოსკოვი საომარი მოქმედებების ნებისმიერ შეჩერებას თავისი მიღწევების გასაძლიერებლად და პუტინის სასარგებლოდ ფრონტის ხაზის გასაყინად გამოიყენებს, რათა უკრაინის წინააღმდეგ შემდგომი თავდასხმა მოამზადოს.
მსგავსი სტატიები:
უახლოეს მომავალში ველოდებით ჯანდაცვის სისტემისთვის განკუთვნილი დახმარების კიდევ ერთ დიდ პარტიას – კარლ ჰარცელი
“გახარია შვებულებიდან გამოიყვანეს, რომ შექმნას “ქართული ოცნება 2”
სალომე სამადაშვილი ამნისტიაზე – ვფიქრობ, ნიკა მელიასთან მივიდე საპატიმროში და უფრო დეტალურად გავიაროთ ეს თემა
ამნისტია არ შეეხება იმათ, ვინც ადამიანები დაასახიჩრეს და ამის ბრძანება გასცეს
მიხეილ სააკაშვილის წერილი დავით მჟავანაძეს – ”დათო მაგარი ხარ..გამარჯვება ძალიან ახლოა”
“ჩაიცვეს კრავის ტყავები…თავს გვაჩვენებენ თითქოს უნდათ ჰარმონია და თანხმობა”-წულუკიანი მიხეილ სააკაშვილის შერიგების ინიციატივასთან დაკავშირებით
”ბაზარში ან მაღაზიაში შეხვალ და ცეცხლი უკიდია, უსაშველოდ მოიმატა ფასებმა”
„დაიწუნა ჩემი ულვაში“ – ვინ დაუწუნა რომან გოცირიძეს ულვაშები