უკრაინის პრეზიდენტმა, ვოლოდიმირ ზელენსკიმ რუსი ოლიგარქებისა და რუსული კომპანიებისთვის სანქციების დაწესებასთან დაკავშირებით, ორ განკარგულებას ხელი მოაწერა. სანქციების დაწესების გადაწყვეტილება უკრაინის ეროვნული უსაფრთხოებისა და თავდაცვის საბჭოს სხდომაზე მიიღეს. ინფორმაციას საბჭოს მდივანი, ოლექსი დანილოვი ავრცელებს.
“განკარგულებები, რომელსაც პრეზიდენტმა ხელი მოაწერა, უკრაინის ეროვნული უსაფრთხოებისა და თავდაცვის საბჭომ შეიმუშავა. ძალიან დიდი, რთული და შრომატევადი სამუშაო იყო. მას შემდეგ, რაც ეს სანქციები გამოქვეყნდება, ვფიქრობ, იქ რუსი ოლიგარქების საკმაოდ მოულოდნელი გვარები იქნება. ასევე, ძალიან ბევრი კომპანია, საწარმო და ა.შ.”. – თქვა დანილოვმა უკრაინული ტელეკომპანია Channel 24-ის ეთერში.
დანილოვის თქმით, ეროვნული უსაფრთხოების გათვალისწინებით, სიიდან ერთი ადამიანის წინააღმდეგ სანქციები დროის გარკვეული მონაკვეთით გადავადდება.
ცნობილი ხდება, რომ განკარგულება სანქციების დაწესებას ითვალისწინებს უკრაინელი ბიზნესმენის, სერჰი კურჩენკოს, ქვეყნის ყოფილი პრეზიდენტის, ვიქტორ იანუკოვიჩის, იანუკოვიჩის მთავრობის თავდაცვის მინისტრის, პავლო ლებედევისა და რუსი ოლიგარქის, ოლეგ დერიპასკას წინააღმდეგ.
სანქციები ითვალისწინებს სიაში მოხვედრილი პირების კუთვნილი აქტივების გამოყენებისა და განკარგვის უფლების დროებით ჩამორთმევას. სანქციების მოქმედების ვადა კი 10 წელი იქნება.
მსგავსი სტატიები:
ხოშტარიამ „ევროპული საქართველო“ დატოვა და ახალ პოლიტიკურ პლატფორმას ქმნის
მედიაციის პროცესი შედეგიანი იქნება თუ არა, ჩვენ მაინც ამ პროცესიდან გამოვიყვანთ ქვეყნისთვის საუკეთესოს
კელი: როგორ შედგება შეთანხმება, როცა ოპოზიციური პარტიის ლიდერი ციხეშია
სააკაშვილის “კაცი”, კობახიძის ახალი “სიბრძნე” და მდინარაძე-წილოსანის გალობა – გგონიათ, ნაპრემიერალი დაგლეჯს ჩვენს ნაცვლად ნარ-ეკალს?
ასეთი შეშინებული ხელისუფლება არასოდეს გვყოლია – ტორესა მოსი
რა არის ჩაწერილი „ფლეშკაზე“, რომელიც მეუფე ნიკოლოზმა საკურთხეველთან ღარიბაშვილს გადასცა
”დღეს ან მშვიდობის მომხრე ხარ, ან სისხლიან რუს აგრესორებს უჭერ მხარს, რომ დახოცონ უკრაინელი ბავშვები და ქალები”
„ეს ზამთარი მარტივი არ იქნება, მაგრამ ევროპა არ გაიყინება“ – რუსეთმა ევროკავშირის უკვე 12 ქვეყანას გაზის მიწოდება შეუმცირა, ან შეუწყვიტა