ხვალ, 23 ოქტომბერს, სერია A-ს მე-11 ტურის ცენტრალურ შეხვედრაში “ნაპოლი” “რომას” ესტუმრება. “პარტენოპეის” მთავარმა მწვრთნელმა ლუჩანო სპალეტიმ მატჩისწინა პრესკონფერენციაზე ხვიჩა კვარაცხელია შეაქო. იტალიელი სპეციალისტის თქმით, ხვიჩა განსაკუთრებული მოთამაშეა.
“ხვიჩაზე გადამეტებული ქება და კომპლიმენტები არ მოქმედებს, კვარაცხელია თავისი ქცევებით განსაკუთრებულია, ყოველთვის მზადაა ნებისმიერი მოთხოვნა შეასრულოს და სირთულეები გადალახოს. ვკითხე, მზად იყო თუ არა პენალტის შესასრულებლად, მან კი მიპასუხა – “რატომაც არა?” ეს პასუხი კარგად აჩვენებს, თუ ვინ არის ის.
ზამბო ანგისა უკეთაა, თუმცა ხვალ მის მოედანზე გამოყვანას არ გავრისკავთ, ოსიმენი თავს
“რომა” სახიფათო გუნდია, უნდა ვეცადოთ, რომ ჩვენს კართან, რაც შეიძლება ნაკლები მომენტი შექმნან. მოურინიო სუპერმწვრთნელია, საკუთარი ძალების უნდა ვირწმუნოთ, წინააღმდეგ შემთხვევაში გამარჯვებას ვერ მივაღწევთ. თამაში სავსე ტრიბუნების წინაშე მოგვიწევს, “ჯალოროსი” კარგ ფორმაშია, მაგრამ საკუთარი იდენტობა არ უნდა დავკარგოთ, ამ ქალაქთან ბევრი კარგი მოგონება მაქვს” – განაცხადა “ნაპოლის” მთავარმა მწვრთნელმა.
შეგახსენებთ, “რომასა” და “ნაპოლის” დაპირისპირება კვირას, თბილისის დროით 22:45 საათზე დაიწყება.
მსგავსი სტატიები:
“შეყვარება ერთი ნახვით”- როდის და როგორ დაარსდა ქალთა საფეხბურთო კლუბი ლანჩხუთში(ვიდეო)
ტატალაშვილი და ლიპარტელიანი მსოფლიო ჩემპიონატს გამოეთიშნენ
შშმ პირთა დაცვის დღესთან დაკავშირებით ოზურგეთში სპორტული შეჯიბრი გაიმართა
აიაქსს კვარაცხელია და ერიქსენი სურს
ინა ქალდანმა პარაოლიმპიადაზე ვერცხლის მედალი მოიპოვა
ლაშა ტალახაძემ ატაცში 210/218/225 კგ. დაძლია და ოქროს მედალი მოიპოვა
გურიის ჩემპიონატზე გამართული ორი ტურის შემდეგ ,ოზურგეთელები დავით ცეცხლაძე და გიორგი გოგოლაური 2 ქულით დაწინაურდნენ
ნიკოლოზ ბასილაშვილი დოჰას ტურნირის ფინალშია