ბელგიაში ქართველი ქალი სცემეს, სარდაფში ჩაკეტეს და მოკვლით ემუქრებოდნენ

ბელგიაში ქართველ ემიგრანტთა საერთაშორისო ცენტრის პრეზიდენტი ანა ბალამწარაშვილი სოციალურ ქსელში ტრეფიკინგის შესახებ ინფორმაციას ავრცელებს.

„საშინელი საღამო იყო დღეს, ვერასოდეს ვერ წარმოვიდგენდი რომ ბელგიაში ტრეფიკინგის მსხვერპლი ქართველის დაცვა მომიხდებოდა, საქმე შემდეგშია: – თურქეთიდან, ეგრეთ წოდებულმა დამსაქმებელმა, ბელგიაში „სამუშაოდ” გამოუშვა ქართველი ქალბატონი, უთხრა რომ ოჯახი, რომელშიც იცხოვრებდა მოაგვარებდა მისთვის ბელგიაში მუდმივი ცხოვრების საბუთის გაკეთებას, მოკლედ უზრუნველყოფდა ყველაფრით, დაზღვევა კი გაუკეთა მხოლოდ ერთი კვირის (სავარაუდოდ ყალბი), თან, თურმე სტამბოლიდან ბელგიამდე მისი ჩამოყვანა 3000€ დაუჯდა.

მაგრამ ეს ყველაფერი უკუღმაა ამ დროს  – ოჯახი (თურქების, მე, როგორც მივხვდი მეუღლე ჰოლანდიელი თურქია) სადაც ეს ქალბატონი მოხვდა აღმოჩნდა ჯოჯოხეთი ბელგიაში, დღეს საღამოს მეგობართან საუბრისას ამ ქალბატონს თავზე დაააცხრა ოჯახის დიასახლისი და ფიზიკურად შეეხო, ემუქრებოდა რომ მოკლავდა თუ ვინმეს რამეს ეტყოდა, როცა მიხვდა რომ იწერდა მეორე მოსაუბრე, სულ გადაირია და ტელეფონი წაართვეს, შემდეგ როგორც აღმოჩნდა სარდაფში ჩაკეტეს, ამ შუალედში მოასწრო ამ ქალბატონმა და მეგობარს შველა სთხოვა, მან კი მე დამირეკა, ვაცნობეთ პოლიციას, სასწრაფოდ მივიდნენ იმ ოჯახში და გამოიყვანეს ეს ქალბატონი ოჯახიდან, მადლობა ბელგიელ პოლიციელებს, ზედ გადაჰყვნენ რომ იტყვიან, მაგრამ საქმე ისაა, რომ ამ ვიდეოს გარდა არაფერი გვაქვს ხელთ, რითიც დადასტურდება ტრეფიკინგი, პოლიციის მისვლის შემდეგ პასპორტი დაუბრუნეს და აქეთ დაადეს ვალი ამ საცოდავ ქალს.

მესმის რომ სიდუხჭირე ძალზედ ცუდი მრჩეველია, მაგრამ იქნებ ბოლომდე გაარკვიოთ სად და რისთვის მიდიხართ, კარგი ამ ადამიანმა გამოასწრო დღეს და გადაურჩა უბედურებას, სხვა გადაურჩება თუ არა არ ვიცი. მარტო ღმერთმა იცის რა გადავიტანე ამ საღამოს, მადლობა ჩემს შვილს ელენეს რომ შეძრა დიდი და პატარა. ფრთხილად იყავით, რისკი ყოველთვის გამართლებული არაა!!!!”, – წერს ბალამწარაშვილი.

გააზიარეთ და მოიწონეთ სტატია:

მსგავსი სტატიები:

საქართველოს ბანკის ლანჩხუთის ფილიალში დაცვა გააძლიერეს-დღის ფოტო “ესენი უნდა დავსპირტოთ და შევინახოთ”-ყუბანეიშვილი მთავრობაზე “ვთხოვ იმ პატარა გოგონებს და ბიჭებს ხმამაღლა ილაპრაკეთ! მოძებნეთ ის, ვინც მოგისმენთ” სოფელ ბახვის “ლინეიკა” – 1905 წელი გამყრელიძე: “6 მაისს საქართველოში “ასტრაზენეკას” 43 000 დოზა შემოვა” შსს: მოპედებით გადაადგილებისთვის მძღოლებს მართვის მოწმობები დასჭირდებათ დეტალები: გაზით დედ-მამა და მათი 3 შვილი გაიგუდა, ოჯახი ბინაში ქირით რამდენიმე დღის გადასული იყო 14 წელი შინდისის ბრძოლიდან | გმირულად დაღუპული 17 ჯარისკაცი და დღემდე დაუსრულებელი მონუმენტი