ადვოკატებისა და ოჯახის განცხადებით, მიხეილ სააკაშვილის ჯანმრთელობის მდგომარეობა არ უმჯობესდება. მესამე პრეზიდენტის უფლებადამცველების, შალვა ხაჭაპურიძის თქმით, მესამე პრეზიდენტს უკვე რამდენიმე კვირაა მაღალი ტემპერატურა აქვს.
ამერიკელმა ექსპერტებმა სააკაშვილის ჯანმრთელობის მდგომარეობის შესახებ დასკვნის ნაწილი გამოაგზავნეს, ადვოკატები და ცენტრი “ემპათია” ახლა ტოქსიკოლოგიური კვლევის პასუხს ელოდებიან, რის შემდეგაც საბოლოო დასკვნა მომზადდება.
უფლებადამცველების შეფასებით, სწორედ ამ დოკუმენტზეა დამოკიდებული მიმართავენ თუ არა სასამართლოს მესამე პრეზიდენტის სასჯელის გადავადების შუამდგომლობით.
“ახლა მიდის ამ დასკვნების შეჯერება და განთავსება საერთო დასკვნაში. რაც შეეხება ტოქსიკოლოგიურ კვლევით ნაწილს, ჯერ არ დასრულებულა, უახლოეს დღეებში ველოდებით. ყველაფერი განთავსდება ძირითად დასკვნაში და გაიცემა საბოლოო დასკვნა. დღესაც ვნახე და საკაოდ რთულია, სამედიცინო პერსონალს და კლინიკას უჭირს დადგენა, თუ საიდან აქვს ტემპერატურა. დაიდება საბოლოო დასკვნა და ბოლოს მივიღებთ გადაწყვეტილებას, როგორ რა ფორმით და მივმართოთ თუ არა თბილისის საქალაქო სასამართლოს სასჯელის გადავადებასთან დაკავშირებით”, – ამბობს შალვა ხაჭაპურიძე
შეგახსენებთ, რომ ჯანმრთელობის მძიმე მდგომარეობის დადასტურების შემთხვევაში ადვოკატებს საფუძველი ექნებათ, მიხეილ სააკაშვილისთვის სასჯელის გადავადება მოითხოვონ.
მსგავსი სტატიები:
აშშ-ის ელჩის რეზიდენციაში „ქართული ოცნება“ და ოპოზიცია მეორედ ხვდება ერთმანეთს
ინტერვიუ ვახო სანაიასთან – ნიკა გვარამიას “მთავარ აქცენტებში”
გომელაური დმანისზე: “გუშინდელი დღის შემდეგ იყო გაძლიერებული პოლიცია, თუმცა ეს არ აღმოჩნდა საკმარისი”
პაპუაშვილი: ქართულმა საზოგადოებამ უარი უნდა უთხრას ოცდამეერთე საუკუნის ტირანებს
“ეს ბრძოლა ისტორიულია… შემიძლია დავადასტურო, რომ 300-ზე მეტი ადამიანი იწყებს შიმშილობას” – ნიკა მელია
ეროვნული თანხმობის პროცესში თქვენი დახმარება მჭირდება – ზურაბიშვილის მიმართვა ელჩებს
“ჯობდა სააკაშვილისთვის მოგვესმინა” – ალექსანდერ ვერშბოუ პუტინზე, საქართველოზე..
ცესკოს თავმჯდომარისა და წევრობის კანდიდატების არჩევის პროცესთან დაკავშირებული ვადები, სავარაუდოდ, ირღვევა