ლელო: ბუკნარში მომხდარი ქართული ოცნების მართვის მახინჯ ფორმებზე მიგვითითებს

ლელო საქართველოსთვის წევრი სოფიო შამანდი პარტიაში გამართულ ბრიფინგზე გუშინ, 13 იანვარს სოფელ ბუკნარში განვითარებულ მოვლენებს გამოეხმაურა და თქვა, რომ მომხდარი ქართული ოცნების მმართველობის შედეგია.

როგორც მან აღნიშნა, მმართველ გუნდს მსგავს ინციდენტებზე არც წარსულში ჰქონია რეაგირება ვინაიდან, ისინი პრობლემის მიჩქმალვას ცდილობენ:

“ბუკნარში მომხდარი ფაქტი პირდაპირ მიგვითითებს ქართული ოცნების მართვის მახინჯ ფორმებზე და რელიგიის საკითხთა სააგენტოს არსებობის საჭიროებას ეჭვქვეშ აყენებს.

გუშინ განვითარებული მოვლენები არის იმის შედეგი, რომ არც ერთი მსგავსი შემთხვევა, რომელსაც წარსულში ჰქონდა ადგილი, არ იყო გამოძიებული და რაც მთავარია, გაანალიზებული.

არ იყო გამოძიებული: მოხეს, ჭელას, ნიგვზიანის, სამთა წყაროს ინციდენტები და რაც მთავარია, არ იყო გაანალიზებული ის პრობლემა, თუ რატომ ხდება ჩვენთან ასეთი ფაქტები.

ქართულ ოცნებას არ სურს მსგავს ინციდენტებზე რეაგირება და ცდილობს პრობლემის მხოლოდ მიჩქმალვას. რატომ არ იყო გაანალიზებული? იმიტომ, რომ ის სტრუქტურა, რომელიც ამას უნდა აკეთებდეს დაკომპლექტებულია სუს-ის თანამშრომლებით, რომლებსაც, ვშიშობ, რომ არ აქვს საერთოდ ანალიზის უნარი და რომელიც უმცირესობებს აღიქვამს ქვეყნის უმცირესობის ჭრილში”,- ამბობენ ლელოში.

პარტიაში ამბობენ, რომ ქართული ოცნების უმოქმედობა მომავალში მსგავსი შემთხვევების განმეორების საშიშროებას ქმნის. ლელო საქართველოსთვის ხელისუფლებას მომხდარზე რეაგირებისკენ მოუწოდებს.

“მოვუწოდებთ ქართული ოცნების მთავრობას, პირველ რიგში, მყისიერად, დაუყოვნებლივ გააკეთოს ყველაფერი იმისთვის, რომ თავიდან ააცილოს მოსახლეობას დაპირისპირება.

გამოიძიოს და პასუხისგებაში მისცეს ყველა ის პირი, ვინც თავს დაესხა მშვიდობიან მოქალაქეებს. ამასთანავე დაიცვას საქართველოს ყველა მოქალაქის უფლება, განურჩევლად ეთნოსისა თუ მრწამსისა, მისცეს ადამიანებს შესაძლებლობა აღასრულონ კონსტიტუციით მინიჭებული უფლებები.

ქართული ოცნების უმოქმედობა ახალისებს აგრესიას დაპირისპირებას და ქმნის მომავალში მსგავსი ფაქტების განმეორების საშიშროებას”,-განაცხადა სოფიო შამანიდმა.

გურიაში, ჩოხატაურის სოფელ ბუკნარში მცხოვრები მუსლიმების თქმით, ქრისტიანები მათ ლოცვის საშუალებას არ აძლევენ. ამბობენ, რომ მათ ბუკნარში ერთ-ერთი კერძო სახლი შეიძინეს და იქ სამლოცველო მოაწყვეს, თუმცა, ქრისტიანი მოსახლეობა მათ ფიზიკურ და სიტყვიერ შეურაცხყოფას აყენებს და ლოცვაში ხელს უშლის.

12 იანვარს ფიზიკური შეურაცხყოფა მიაყენეს 3 მუსლიმს, მათ შორის ბავშვებს. შსს-მ ძალადობის მუხლით დააკავა კაცი, რომელმაც 17 წლის მუსლიმს თავში ქვა ჩაარტყა. 13 იანვარს გურიის გუბერნატორი და ჩოხატაურის მერი მათ მხოლოდ რამდენიმე წუთით შეხვდა. შეხვედრა უშედეგოდ დასრულდა.

მოგვიანებით, 13 იანვრის საღამოს, ჩოხატაურის გამგეობის შენობაში გაიმართა შეხვედრა, რომელსაც როგორც ადგილობრივი მთავრობის წარმომადგენლები, ისე გურიის გუბერნატორი და ბუკნარის მუსლიმი და ქრისტიანი მოსახლეობა ესწრებოდა. შეხვედრის დასრულების შემდეგ ჩოხატაურის მერმა, ირაკლი კუჭავამ თქვა, სოფელ ბუკნარის მცხოვრებლები “ჩვეულებრივად გააგრძელებენ ცხოვრებას და ლოცვას”. იქვე მან მსგავსი შეხვედრების გაგრძელებებიც დააანონსა.

გააზიარეთ და მოიწონეთ სტატია:

მსგავსი სტატიები

  • 97
    "წულუკიანმა ყველაფერი გააკეთა, რომ არჩევნებზე დომხალი ყოფილიყო“ – ხათუნა გოგორიშვილივურჩევდი წულუკიანს, რომ სიტყვები „ამომრჩეველი“ და „ღალატი“ ერთდროულად არ იხმაროს- ამის შესახებ “ევროპული საქართველოს” ერთ-ერთი ლიდერმა ხათუნა გოგორიშვილმა “ახალ თაობასთან” ისაუბრა.ვურჩევდი წულუკიანს, რომ სიტყვები „ამომრჩეველი“ და „ღალატი“ ერთდროულად არ იხმაროს. მას არანაირი მორალური უფლება არ აქვს. იმიტომ, რომ ზუსტად მისი კანტორა იყო და პირადად ის ერთ-ერთი, ვინც ყველაფერ აკეთებდა, რომ…
    Tags: რომ, და, არ, მთავარი, თემა, ახალი, ამბები, პოლიტიკა
  • 97
    "ხუთი კი არა, ათჯერ ხუთი მილიონი დაიხარჯა სოფლებზე" - დოლიძე"ქართული ოცნების" ყველაზე დიდ შეცდომად მიმაჩნია ის, რომ პიარი აქვთ ნულზე, ნულზე. არაფერს არ ამბობენ რაც გაკეთდა ამ წლების მანძილზე" - ამბობს ტვ "პირველის" ეთერში რეჟისორი ქეთი დოლიძე და მმართველი გუნდის იმ დამსახურებებზე საუბრობს, რაც ხალხმა ჯერ არ იცის. "ხუთი მილიონი კი არა, ათჯერ ხუთი მილიონია დახარჯული სოფლის მეურნეობაში. ძალიან…
    Tags: არ, და, ოცნების, რომ, მთავარი, თემა, ახალი, ამბები, პოლიტიკა
  • 96
    ბუკნარში მუსლიმების აქცია განახლდა – თემი მიღწეულ შეთანხმებას უნდობლობას უცხადებსდღეს დილიდან სოფელ ბუკნარში აქცია განახლდა. ადგილზე ძირითადად მუსლიმი თემის ახალგაზრდები შეიკრიბნენ. როგორც მედიასთან აცხადებენ, არ ენდობიან იმ შენთანხმებას, რაც გუშინ ორივე მხარის წარმომადგენლებსა და ხელისუფლებას შორის შედგა. ისინი ახალი ინიციატივით გამოდიან და მოითხოვენ, რომ შეხვედრა თავიდან დაიგეგმოს და ამ შეხვედრას დაესწრონ 10-10 წარმომადგენელი მართლმადიდებელი და მუსლიმი მოსახლეობიდან. ასევე ითხოვენ, თბილისიდან უფრო კონპეტენტური ადამიანი ჩაერთოს მოლაპარაკებებში…
    Tags: და, არ, ბუკნარში, მთავარი, თემა, ახალი, ამბები, პოლიტიკა
  • 96
    მილენიუმის თაობას არ უნდა ქვეშევრდომობა და ხიხოსტანში ცხოვრება - სააკაშვილისაქართველოს მესამე პრეზიდენტი მიხეილ სააკაშვილი, "მთავარ არხზე", თამარ ბაღაშვილის საავტორო გადაცემაში "მთავარი დებატები", იმის დასამტკიცებლად, რომ მოსახლეობის უდიდესი ნაწილი თანხმდება 31 ოქტომბრის არჩევნების გაყალბების შესახებ, იხსენებს თავისი მეგობრის მონაყოლს, ვისი 18 წლის შვილები მხოლოდ მას შემდეგ დადიან საპროტესტო აქციებზე, რაც არჩევნებზე ხმა მისცეს, მერე კი თავად დარწმუნდნენ, რომ მათი ხმები მოიპარეს. ჩემი…
    Tags: და, რომ, არ, მთავარი, თემა, ახალი, ამბები, პოლიტიკა