თათია ნიკოლაშვილი ევროსაბჭოს რეგიონალური ანსამბლეის კონგრესის მუდმივმოქმედი წევრი გახდა

ოზურგეთის საკრებულოს წევრი “ერთიანი ნაციონალური მოძრაობიდან”,   თათია ნიკოლაშვილი, ევროპის საბჭოს ადგილობრივ და რეგიონულ ხელისუფლებათა კონგრესის მუდმივმოქმედი წევრი გახდა.

მთავარ ოპოზიციურ პარტიას კონგრესში, თათიასთან ერთად, სენაკის საკრებულოს დეპუტატი, სევდია უგრეხელიძე წარმოადგენს.

როგორც “გურიის მოამბეს” ნიკოლაშვილმა უთხრა, ევროპის საბჭოს ადგილობრივ და რეგიონულ ხელისუფლებათა კონგრესის მორიგი სხდომა მომავალი წლის მარტში გაიმართება.

ნიკოლაშვილი სტრასბურგში (საფრანგეთი, სადაც განთავსებულია ევროპის საბჭოს ადგილობრივ და რეგიონულ ხელისუფლებათა კონგრესი) ხუთდღიანი სამუშაო ვიზიტით, გასული თვის, ოქტომბრის დასასრულს იმყოფებოდა და მან მონაწილეობა მიიღო კონგრესის მუშაობაში.

კონგრესის მონაწილეებს ევროპის საბჭოს 48 ქვეყნიდან კი სიტყვით მიმართა:

” მე ვარ საქართველოდან, ქვეყნიდან, რომლის 20 % ოკუპირებული აქვს რუსეთს, რუსეთს რომელიც ტერორისტული სახელმწიფოა და ახლა ოფიციალურ კიევს, მშვიდობიან მოსახლეობას, ბავშვებს, ქალებს უშენს ბომბებს. ვარ იმ ქვეყნიდან, რომელსაც რუსეთმა მოუწყო გენოციდი 2008 წელს, დროებით წაართვა ტერიტორიები. მათმა ტერორისტულმა, ეგრედწოდებულმა არმიამ გაანადგურა ჩვენი ხალხი, სოფლები, აგვიწიოკა ოჯახები და ამ წუთებშიც მავთუხლრთებს აბამენ საქართველოს ტერიტორიაზე . ვარ ქვეყნიდან, რომლის ხელისუფლებამ ამ ტერორისტებთან მებრძოლი მთავარსარდალი მიხეილ სააკშვილი ტყვედ აიყვანა პუტინის საამებლად და ციხეში წამებით კლავს ! ვარ ქვეყნიდან, რომელსაც ჰყავს არაფორმალური მმართველი, რუსი ოლიგარქი ივანიშვილი. ჩვენ, საქართველოს მოქალქეები მხარს ვუჭერთ უკრაინას და ჩვენ არ გვინდა გადაგვყლაპოს უკანასკნელმა იმპერიამ მის მსახურებთან ერთად.

“ჩემი სიტყვით გამოსვლის შემდეგ ევროპის საბჭოს ტრიბუნიდან, უკრაინის ერთ-ერთი ქალაქის მერი მოვიდა ჩემთან და მადლობა გადამიხადა ჩემი გუშინდელი სიტყვის გამო… მითხრა, რომ ეს მათთვის ძალიან ბევრს ნიშნავს… დღეს კი ჩემს მაგიდასთან ეს დამხვდა უკრაინის დელეგაციისგან”  – გვითხრა კონგრესმენმა.

“უკრაინა აუცილებლად მოიგებს ამ ომს, აუცილებლად გაიმარჯვებს ბოროტებაზე და ჩვენ აუცილებლად უნდა ვიყოთ მათთან ერთად ამ გამარჯვებული, ცივილიზებული მსოფლიოს ნაწილი” აცხადებს თათია.

გააზიარეთ და მოიწონეთ სტატია:

მსგავსი სტატიები:

ოზურგეთელების მოთხოვნით გადავწყვიტე მერობისთვის ისევ ვიბრძოლო “სმს-ის გაგზავნის დროს სახელი შემეშალა” -შსს -ში პოლიტიკური ნიშნით წმენდა ოზურგეთშიც დაიწყო “თალაკვაძეებმა ყველაფერი იკადრეს არჩევნების მოსაგებად,მაგრამ ამომრჩეველმა საკადრისი პასუხი გასცა”- შარაშენიძე “ვაპირებ ვიბრძოლო ბოლომდე..ვაპირებ არ დავუთმო ასე ძალად შემოტენილ კანდიდატს არაფერი”-კოტე შარაშენიძე ოზურგეთის საკრებულოში საფინანსო-საბიუჯეტო კომისიის სხდომა გაიმართა უკრაინისადმი კიდევ ერთი მხარდამჭერი აქცია ოზურგეთში ექსკლუზივი: ოზურგეთში ალტ-ინფოს ოფისის გახსნის უკან, ავთანდილ და არჩილ თალაკვაძეები დგანან რა ხდება „ალტ ინფოს“ ირგვლივ – მასობრივი გამოსვლები ოზურგეთში