“ევროკავშირი ნიკა გვარამიას საქმეს ყურადღებით აკვირდება..დაისვა კითხვები, მათ შორის სახალხო დამცველის მხრიდან” – ევროკომისია

“მთავარი არხის” გენერალური დირექტორის, ნიკა გვარამიას საქმეზე თბილისის სააპელაციო სასამართლოს განაჩენსა და მის პატიმრობაში დატოვებას ევროკომისიის საგარეო ქმედებათა სამსახურის პრეს-სპიკერი ეხმაურება. განცხადებას ევროკავშირის წარმომადგენლობა საქართველოში ავრცელებს.

“თბილისის სააპელაციო სასამართლომ დღეს დაადგინა, რომ საქართველოს ერთ-ერთი ტელეკომპანიის გენერალური დირექტორის, ნიკა გვარამიას მიმართ წაყენებული ბრალდება, რომელიც სისხლის სამართლის კოდექსის 220-ე მუხლით 3 წლითა და 6 თვით თავისუფლების აღკვეთას ითვალისწინებს, ძალაში რჩება. ევროკავშირი ამ საქმეს ყურადღებით აკვირდება.

ევროკავშირი ინდივიდუალური საქმეების შემადგენლობის შესახებ კომენტარს არ აკეთებს, მაგრამ კიდევ ერთხელ აღვნიშნავთ, რომ ამ საქმესთან დაკავშირებით დაისვა კითხვები, მათ შორის სახალხო დამცველის მხრიდან.

ამ კუთხით, შეგახსენებთ, რომ „უფრო ძლიერი ძალისხმევა თავისუფალი, პროფესიული, პლურალისტური და დამოუკიდებელი მედიაგარემოს უზრუნველსაყოფად, განსაკუთრებით იმისათვის, რომ მედიის მფლობელთა წინააღმდეგ მიმართული სისხლის სამართლებრივი პროცედურები აკმაყოფილებდეს უმაღლეს იურიდიულ სტანდარტებს“ ევროკომისიის მიერ განსაზღვრულ ერთ-ერთ პრიორიტეტს წარმოადგენს.

ევროკავშირი გააგრძელებს საქართველოს ხელისუფლების მხარდაჭერას სასამართლო სისტემის რეფორმირებასთან მიმართებაში, დამოუკიდებლობაზე, გამჭვირვალობაზე და სასამართლო პროცედურების ხარისხზე ყურადღების გამახვილებით, რაც აუცილებელია კანონის უზენაესობის დასაცავად.

ევროკავშირი კვლავ სრულად მზად არის მხარი დაუჭიროს საქართველოს თორმეტი პრიორიტეტის შესრულებაში, რათა ქვეყანამ გაამართლოს თავისი მოქალაქეების იმედები ევროპულ მისწრაფებებთან დაკავშირებით” – ნათქვამია განცხადებაში. 

გააზიარეთ და მოიწონეთ სტატია:

მსგავსი სტატიები:

“ვინც თქვენს გულს არ უფრთხილდება, თქვენ არ გიმსახურებთ” რატომ ფიქრობენ მეცნიერები, რომ ეგვიპტის ფარაონები უცხოპლანეტელები იყვნენ. უფოლოგების ყველაზე დიდი საგანძური პო­ლი­ცი­ელ­მა წა­ი­ღო ჩემი კვერ­ცხი სა­საფ­ლა­ო­ზე გა­სა­გო­რებ­ლად” – მეგრელიშვილი “ვინც ამ ფრაზას წამდაუწუმ იმეორებს-ხალხს ეშინია” ნაციონალების” დაბრუნების…” სააკაშვილის მხარდამჭერი წარწერების გამო ლანჩხუთში სამოქალაქო აქტივისტს უცნობები ოჯახში მიუვარდნენ და ცოლს ცემეს კორონა ვირუსით ჩოხატაურელი 8 შვილის მამა გარდაიცვალა პნევმატური იარაღის ბრუნვასთან დაკავშირებული წესები მკაცრდება “ოკუპანტები მელიტოპოლიდან გარბიან” – ფედოროვი