კუჭავა ნოღაიდელის წერილზე: ეს არის ბრწყინვალე ილუსტრაცია იმისა, თუ რა პოზიცია ჰქონდა მაშინდელ ხელისუფლებას

არ ვარ გამომძიებელი, მაგრამ გარკვეულ გეგმას ვხედავ, რომელსაც მიყვებოდა აღმსრულებელიც ამ გეგმის, დამკვეთიც და პოლიტიკის გამტარებელი. ძალიან არაპროფესიული თვალით რომ შევხედოთ, კითხვის ნიშნები ჩნდება – ეს ის წერილია, რომელიც ყველაზე ნაკლებად უნდა გაეგზავნა პრემიერ-მინისტრს ან ნებისმიერ ოფიციალურ პირს საქართველოს მხრიდან აზერბაიჯანული მხარისთვის, მაგრამ ფაქტია, რომ ეს წერილი არსებობს, – ამის შესახებ საქართველოს პარლამენტის ვიცე-სპიკერმა, კახა კუჭავამ ყოფილი პრემიერ-მინისტრის, ზურაბ ნოღაიდელის მიერ აზერბაიჯანელი კოლეგისთვის გაგზავნილ წერილზე საუბრისას აღნიშნა.

„წერილი საკმაოდ მძიმეა წასაკითხად, რადგან იმდროინდელი მოქმედი პრემიერ-მინისტრი პირდაპირ უთითებს და ფაქტობრივად აღიარებს ფაქტს, რომ თითქოს დავით გარეჯის მონასტერი აზერბაიჯანის ტერიტორიაზე მდებარეობს და საჭიროა ნებართვა, რომ გარემონტდეს. ეს არის ბრწყინვალე ილუსტრაცია იმისა, თუ რა პოზიცია ჰქონდა მაშინდელ ხელისუფლებას, მათ შორის დამატებული განცხადებები და კომენტარები მინისტრებისგან, მინისტრის მოადგილეებისგან, პოლიტიკოსებისგან და ა.შ. დიდი ტრაგედიაა ამ ქვეყნისთვის, როდესაც ჩვენ საუკუნოვან და სიმბოლურ სულიერ სიწმინდეზე ვამბობთ, რომ პრემიერ-მინისტრი წერილს წერს და ამბობს, რომ ეს უკვე არის თქვენს ტერიტორიაზეო, როდესაც ვიცით მანამდე რა ნაბიჯები იყო გადადგმული. ეს არის კომისიის წევრებს შორის შეთანხმება, ეს არის ძალიან სენსიტიური მომენტი, შემდეგ ამ პოზიციის გამყარება, კომენტარები, ოფიციალური წერილი და ამის შემდეგ, როგორც მე გავიგე, გააუქმეს საქართველოს ღალატის მუხლი სისხლის სამართლის კოდექსიდან. დანარჩენზე გამოძიებამ უნდა ისაუბროს. ფაქტია, რომ ეს წერილი წარმოადგენს პირდაპირ დასტურს იმისა, თუ რა პოზიცია ჰქონდა მაშინდელ ხელისუფლებას“, – განაცხადა კახა კუჭავამ.

სოციალურ ქსელში გასაჯაროებული დოკუმენტით გახდა ცნობილი, რომ ყოფილი პრემიერი აზერბაიჯანელ კოლეგისთვის გაგზავნილ წერილში დავით გარეჯს აზერბაიჯანის ტერიტორიაზე მდებარე ძეგლად მოიხსენიებს, რომელსაც რესტავრაცია სჭირდება.

ივერი მელაშვილსა და ნატალია ილიჩოვას აღკვეთის ღონისძიების სახით პატიმრობა 8 ოქტომბერს შეეფარდათ.

7 ოქტომბერს პროკურატურამ საქართველოს ტერიტორიის ნაწილის გადაცემისკენ მიმართული ქმედების ბრალდებით დააკავა საგარეო საქმეთა სამინისტროს მეზობელი ქვეყნების დეპარტამენტის, სასაზღვრო ურთიერთობათა სამსახურის უფროსი ივერი მელაშვილი და შსს სასაზღვრო პოლიციის სახმელეთო საზღვრის დაცვის დეპარტამენტის მთავარი ინსპექტორი ნატალია ილიჩოვა.

17 აგვისტოს საქართველოს გენერალურ პროკურატურაში გამოძიება დაიწყო სისხლის სამართლის საქმეზე, უცხო ქვეყნისთვის საქართველოს ტერიტორიის ნაწილის გადაცემისაკენ მიმართული მოქმედების განხორციელების ფაქტზე.

გააზიარეთ და მოიწონეთ სტატია:

მსგავსი სტატიები

  • 68
    ამ არჩევნებს ამერიკის მთავრობა განსაკუთრებული ყურადღებით აკვირდება - სახელმწიფო დეპარტამენტის წარმომადგენელი„31 ოქტომბრის არჩევნები იქნება კრიტიკულად მნიშვნელოვანი ნაბიჯი იმის დემონსტრირებისთვის, თუ რამდენად ერთგულია საქართველო დემოკრატიული განვითარების გზის მიმართ. თავისუფალი და სამართლიანი არჩევნები, რომელიც შეესაბამება საერთაშორისო სტანდარტებს და გამოხატავს ქართველი ხალხის ნებას, გააძლიერებს დემოკრატიულ სტაბილურობას და საქართველოს კავშირებს არა მხოლოდ შეერთებულ შტატებთან, არამედ ევროკავშირთან და ზოგადად, დასავლეთთან“, – ამბობს შერილ ფერნანდესი, ამერიკის…
    Tags: და, რომ
  • 67
    TI: ხელისუფლება ივანიშვილის გავლენის ქვეშაასაერთაშორისო გამჭვირვალობა-საქართველო აქვეყნებს მოკვლევას არაფორმალური მმათველობის პრობლემასა და მისი შედეგების შესახებ. ორგანიზაციის შეფასებით, "ქართული ოცნების მმართველობის ორი ვადის გასვლის თავზე დაგროვილი მტკიცებულებები საკმარისია იმის სათქმელად, რომ კორუფციამ საქართველოში სახელმწიფოს მიტაცების ფორმა მიიღო დღეის მდგომარეობით, საქართველოს ხელისუფლების აღმასრულებელი შტო მთლიანად ერთი ადამიანის გავლენის ქვეშაა. აღმასრულებელ ხელისუფლებას გამოცლილი აქვს შეკავებისა და გაწონასწორების დემოკრატიული მექანიზმები, რაც განპირობებულია…
    Tags: და, რომ
  • 65
    "ამ ქვეყანაში ივანიშვილმა, ბელადომანია დაამარცხა""საბანს ყველა თავისკენ­ ქაჩავს­ და ამასობაში ქვეყანა ყველას ავიწყდება. სკამების გამო ერთმანეთს თუ არ დავღრღნით, კარგი იქნება" პოლიტიკის გამო ქართველები კიდევ ერთხელ დაუპირისპირდნენ ერთმანეთს: "ქართული ოცნების" მომხრეები ამტკიცებენ, რომ 31 ოქტომბერს ჩატარებული არჩევნების შედეგი სავსებით ლოგიკურია, მოწინააღმდეგეები კი მიიჩნევენ, რომ არჩევნები გააყალბეს. ამის თაობაზე კამათობენ თითქმის ყველგან, ზოგჯერ უახლოესი ადამიანებიც…
    Tags: და, რომ, ამ, ეს, არის
  • 65
    ვინ არის 31 წლის ხატია ჭყონია, რომელმაც ლანჩხუთელი გოგონები ჩემპიონთა ლიგაზე გაიყვანა19 ნოემბერს ლანჩხუთის ქალთა საფეხბურთო გუნდმა რუმინეთის ჩემპიონ „კლუჟს“ ფლეი ოფის ფინალში გასვლაზე 1-0 მოუგო. ლანჩხუთის ქალთა გუნდი ჩემპიონთა ლიგის ძირითად ბადეში – ევროპის საუკეთესო 16-ეულში მოხვდა. წილისყრა 24 ნოემბერს უეფას ოფისში გაიმართა და გოგონები შინ ლანჩხუთში ქალთა ჩემპიონთა ლიგაზე ორმატჩიან დუელში, შვედურ „როსენგარდს“ დაუპირისპირდებიან.     გადამწყვეტი გოლი რუმინელების…
    Tags: და, რომ, ამ