”ჩვენ არ ვართ აგრესიულები, ვაგრძელებთ მხილებას და გვინდა, როგორც პარტნიორულ ურთიერთობას შეესაბამება და შეეფერება, სწორედ იმ კალაპოტში არსებობდეს საქართველო-ამერიკას შორის ურთიერთობა” – ამის შესახებ „ხალხის ძალის” ერთ-ერთმა ლიდერმა, მიხეილ ყაველაშვილმა „პალიტრანიუსის” გადაცემაში „360 გრადუსი” განაცხადა.
მისი თქმით, მათ მიერ გავრცელებული წერილების პათოსი ფაქტებზე დაყრდნობილი კითხვებია, რომლებზეც პასუხების ნაცვლად აგრესიას იღებენ.
„საელჩო ხომ თავისი ქვეყნის ინტერესის გამტარებელი უნდა იყოს და როგორ შეიძლება ამერიკის მიერ დაფინანსებული NGO სექტორი პოლიტიკურ განცხადებებს აკეთებდეს, გამოდიოდეს და ქვეყნის ხელისუფლების გადატრიალებაზე და სახლში გაშვებაზე მელაპარაკებოდეს. ინტერესი არის იმასთან დაკავშირებით, რომ ეს ხელისუფლება, რომელიც დღეს მართავს ქვეყანას მისთვის არ არის ხელსაყრელი ხელისუფლება, ასე გამოდის, ოღონდ პირდაპირ კი ვერ აღიარებს ამას, სწორედ ასეთი მეთოდებით: აკერმანის საშუალებით, ომზე ზეწოლის საშუალებით, ომის თემატიკასთან დაკავშირებით და რამდენი მაგალითი მოვიყვანო. თქვენ გახსოვთ რომელიმეს მიმართ გამიჯნული ქალბატონი დეგნანი?! ომში (ჩართვისკენ) რომ მოგვიწოდებენ, რატომ არ გამოვიდა და გაემიჯნა ამ ყველაფერს?!.
მთელი ჩვენი წერილების პათოსი არის ფაქტებზე დაყრდნობილი კითხვები და ამ კითხვებზე პასუხს, რომ ვერ ვიღებთ, ვიღებთ პირიქით აგრესიას და ერთადერთი რამით ხდება ამ ყველაფრის ხაზგასმა, რომ ჩვენ ვართ რუსული ძალა, რადგან ამ კითხვებს ვსვამთ და ჩვენს ხელისუფლებას მოუწოდებენ, რომ გაგვემიჯნონ, ეს არის სიმახინჯე. ნორმალურ საზოგადოებაში, ნორმალურ ქვეყანაში მსგავსი შეფასებები წარმოუდგენელია. ეს უნდა გაკვირვებდეთ, ამაზე უნდა იყოთ აღშფოთებული, რომ თქვენი ქვეყნის პარლამენტის წევრს, რომელიმე ქვეყნის ელჩი ასე უპატივცემულოდ ეპყრობა”, – განაცხადა მიხეილ ყაველაშვილმა.
მსგავსი სტატიები:
“ავანტიურისტი შულერი, “ოცნების მზე”, რომელმაც ყველა გადააგდო”- გიორგი თარგამაძე ივანიშვილზე
სოფელ ნამოხვანში, მდინარეში კაცს ეძებენ
“როცა მოსახლეობის დიდ ნაწილს ავცრით ორჯერადად, მაშინ მიზანშეწონილი იქნება მესამე დოზაზე საუბარი”
“ქართული ოცნების” ოფისი დაკეტეს და ნაგავი მიაყარეს
”გაფლანგვის მუხლი მხოლოდ რიტორიკაა და არაფერი ფასი არ აქვს..რაც ვნახე,არცერთი არაა არგუმენტი” – გამზარდია სააკაშვილის სასამართლოზე
“მსოფლიო ერთიანდება მშვიდობისთვის….თქვენ კი გსურთ დაპირისპირება”-რიმა ბერიძე ოპოზიციას
ჰააგის სასამართლომ უკრაინის სარჩელი მიიღო და მოსმენა ორშაბათს ჩანიშნა
ნიკოლოზ ცისკარიძეს „დენ პაბედის“ მოსმენაზე გული უჩუყდება