ადამიანის მდგომარეობას რასაკვირველია უფალი განაგებს- გია ვოლსკი სააკაშვილის ჯანმრთელობის მდგომარეობაზე

ფაქტია, რომ რევოლუცია არ შედგა, რევოლუციის ლიდერი სააკაშვილი ვერ გახდა, ფაქტია, რომ საავადმყოფოში იმყოფება, მაგრამ არ არის ფაქტი, რომ საქართველოს ჯანდაცვას არ გააჩნია რესურსი მისი მკურნალობისთვის, – ამის შესახებ ჟურნალისტებთან პარლამენტის პირველმა ვიცე- სპიკერმა გია ვოლსკიმ განაცხადა.

მისივე თქმით, “შესაძლოა, ფაქტია ისიც, რომ გარემო პირობები მისი ფსიქიკური მდგომარეობისთვის მართლაც შეუსაბამოა.”

ის ასევე გამოეხმაურა ბრალდებებს იმასთან დაკავშირებით, რომ პოლიტიკური განცხადებები, რომელიც პრემიერ- მინისტრმა გააკეთა, ერთგვარი დირექტივაა, თუ რა გადაწყვეტილება უნდა მიიღოს სააკაშვილთან დაკავშირებით სასამართლომ.

„ვცხოვრობდით ეგეთ რეალობაში, როცა სასამართლო იმ გადაწყვეტილებას იღებდა, რასაც სააკაშვილი ან მისი დავალებით ნებისმიერი სხვა კარნახობდა. მოსამართლეს არანაირი ვალდებულება არ აქვს და ყველანაირი მექანიზმი გააჩნია, რომ დამოუკიდებელი და პრინციპული იყოს. კიდევ გააჩნია მორალური ვალდებულება ისტორიის წინაშე, რომლის გარკვეულ პერიოდში უნდა იცოცხლოს, გააგრძელოს ამ ქვეყანაში ცხოვრება. ასე რომ მოსამართლე მხოლოდ კანონით იხელმძღვანელებს და მეტი სხვა არაფერი არ გააჩნია არავის წინაშე, არც პრემიერის და არც პოლიტიკური ხელმძღვანელობის.

ადამიანის მდგომარეობას რასაკვირველია უფალი განაგებს, მაგრამ სახელმწიფოს აქვს სრული რესურსი, რომ სააკაშვილი უზრუნველყოს შესაბამისი სამედიცინო დაცვით. ადამიანი ერთი წლის განმავლობაში მუდმივად თვითდაზიანებას იყენებს და ყველა ადვილად შეამჩნევდით, რომ პოლიტიკური ლიდერები, თავის მოკავშირეები მუდმივად მოუწოდებდნენ შიმშილობისკენ და უფრო მეტიც, შიმშილობის შეწყვეტა დაუსახელეს როგორც ღალატი იმ იდეისა, რომელიც მათ გააჩნდათ, ეს იყო რევოლუციის იდეა, არაერთხელ მოუწოდეს ჩამოსულიყო და ჩასდგომოდა რევოლუციას სათავეში, ახლაც არაერთხელ მოუწოდებენ, რომ თვითდაზიანებას თავი არ დაანებოს. სააკაშვილის ფაქტორი მათი სტრატეგიული გეგმის განვითარების შემადგენელი მთავარი ნაწილია”, – განაცხადა ვოლსკიმ.

გააზიარეთ და მოიწონეთ სტატია:

მსგავსი სტატიები:

“ამაზრზენი მაფიოზები ხართ, თქვენი ადგილი სანაგვეზეა”- გამზარდია ხელისუფლებას სერბეთში ვაქცინირებულებს 25 ევროს გადასცემენ – ქვეყანაში აცრა 4 ვაქცინითაა შესაძლებელი 20 ივნისს დაზარალებული მოქალაქეები ამნისტიის კანონპროექტთან დაკავშირებით განცხადებას ავრცელებენ ეს კადრები „პალაჩმა“ გამოუქვეყნა პუტინს, რომლისთვისაც ყველაზე დიდი მტერი არის მიხეილ სააკაშვილი ლარი გამყარებას განაგრძობს „მეგობრებო, არ მინდა დაგკარგოთ“ – როგორ ემშვიდობება სოფო შევარდნაძე „ინსტაგრამზე“ გამომწერებს ქობულეთსა და გურიაში ხვალ ალტ-ინფოს საწინააღმდეგო აქციები გაიმართება ორსული სკოლის მოსწავლის ამბავი – 12 წლის მოზარდი დედა ხდება