სამივე ვაქცინის შემოსატანად ქვეყანა მზადაა – ჯანდაცვის მინისტრო

სამივე ტემპერატურული რეჟიმის ვაქცინის შემოსატანად ქვეყანა მზადაა. მას დამატებითი ინვესტიცია ნებისმიერი ტემეპერატური რეჟიმის ვაქცინის მისაღებად არ სჭირდება – ამის შესახებ ჟურნალისტებს უწყებათაშორისი საკოორდინაციო საბჭოს სხდომის დასრულების შემდეგ ჯანდაცვის მინისტრის მოადგილემ, თამარ გაბუნიამ განუცხადა.

მისვე თქმით, არ არის გამორიცხული, ფაიზერის” გარდა პირველ კვარტალშივე „კოვაქსის” პლატფორმიდან ქვეყანამ შემოთავაზება „ასტრაზენეკათი” ვაქცინაციის დაწყებასთან დაკავშირებით მიიღოს.

„ვფიქრობ, რომ კვირის ბოლომდე ეს დასრულდება. გეგმაში განსაზღვრულია სამი ეტაპი, რის მიხედვითაც მაღალი რისკის ჯგუფებიდან მოხდება ვაქცინაცია, მოსახლეობის იმ ჯგუფებამდე, რომელსაც რისკი მაღალი არ აქვს, თუმცა იმუნიტეტის განვითარებისთვის მათი მოცვა მნიშვნელოვანია. სამიზნე მაჩვენებლი, რასაც ჩვენ გვინდა ქვეყნის კოორნავირუსის ინფექციისგან დასაცავად მივაღწიოთ, არის მოზრდილი მოსახლეობის 60%-ი, რაც გარანტია იქნება იმისთვის, რომ იმუნურობის დონე იყოს შესაფერისი, მოვახერხოთ ეკონომიკის სტაბილური გახსნა გრძელვადიან პერსპექტივაში. პირველი ჯგუფი არის ჯანდაცვის პროფესიონალები, შემდეგ ამას მოყვება ასაკობრივი პაციენტები და სხვა ჯგუფები. საქართველოს შეუძლია მიიღოს ნებისმიერი ტემპერატურული მოთხოვნის მქონე ვაქცინა, დღეისთვის ბაზარზე აღიარებული სტატუსით. რამდენიმე ვაქცინა ამგვარი აღიარების: ეს არის „ფაიზერი“, „ასტრაზენეკა” და „მოდერნა“. როგორც კი მსგავსი აღიარების ახალი ვაქცინა გამოჩნდება, რა თქმა უნდა, მასაც გავითვალისწინებთ. ვაქცინის დანერგვის გეგმაში მკაფიოდ დაკონკრეტებულია, რომ სამივე ტემპერატურული რეჟიმის ვაქცინის შემოსატანად ქვეყანა მზადაა. მას დამატებითი ინვესტიცია ნებისმიერი ტემეპერატური რეჟიმის ვაქცინის მისაღებად არ სჭირდება”, – განაცხადა გაბუნიამ.

გააზიარეთ და მოიწონეთ სტატია:

მსგავსი სტატიები:

გურიის პირველ პოლიციელს კორონავირუსი დაუდასტურდა (ექსკლუზივი) უცხოეთში მყოფი ქართველი ექიმებისთვის კარი ღიაა – ეკატერინე ტიკარაძე კლინიკების ასოციაცია: საქართველოს ჯანდაცვის სისტემა პანდემიის მესამე ტალღას ვერ გაუძლებს ქვეყანამ ლოქდაუნი დააგვიანა თავის დროზე და ახლა გახსნასაც ვაგვიანებთ – ინფექციონისტი “მოჩქარეს მოუგვიანდესო” – რას ამბობს გამყრელიძე კომენდატის საათის გადაწევაზე გათავისუფლდებიან თუ არა პირბადის ტარებისგან ისინი, ვინც ვაქცინა უკვე გაიკეთა 8 მარტის სუფრა შრომაში და “აჭარა ტექსტილი”- გურიაში ამ ეტაპზე, ორი კლასტერი არსებობს “რა უშველოთ, ტვინს და მეხსიერებას, თუ ექიმთან , ვერ მიდიხართ”-ექიმი მარინა ტოტოჩავა