გურიის პოლიციის უფროსის კახა მურადაშვილის დაკითხვაზე სასამართლომ უარი განაცხადა
ავტორი: გურიის მოამბე
გურიის პოლიციის უფროსის კახა მურადაშვილის დაკითხვაზე სასამართლომ უარი განაცხადა

შსს გურიის პოლიციის დეპარტამენტის დირექტორის, კახა მურადაშვილის მოწმეს სახით დაკითხვაზე, ოზურგეთის რაიონულმა სასამართლომ, მოსამართლე ნანა ჯოხაძე, უარი განაცხადა.

მურადაშვილის დაკითხვას დღეს გამართულ სასამართლო სხდომაზე მოსარჩელე ილა კეჭაყმაძე ითხოვდა.

კეჭაყმაძე მურადაშვილთან ერთად "ერთიანი ნაციონალური მოძრაობის" ოზურგეთის ორგანიზაციის ლიდერის, დავით მჟავანაძის დაკითხვასაც, ასევე მოწმის სახით, მოითხოვდა.

ილა კეჭაყმაძის ადვოკატმა დღეს ამ შუამდგომლობით მოსამართლე ნანა ჯოხაძეს მიმართა.

დღეს ოზურგეთის რაიონულ სასამართლოში დაიწყო საქმის წარმოება ილა კეჭაყმაძე გაზეთ "გურიის მოამბის" წინააღმდეგ.

"გურიის მოამბის" ინტერესებს სასამართლოში ადვოკატი კახა ჩავლეშვილი იცავს.

ილა კეჭაყმაძის მოთხოვნას, გურიის პოლიციის უფროსის კახა მურადაშვილის მოწმეს სახით დაკითხვასთან დაკავშირებით კახა ჩავლეშვილიც დაეთანხმა, თუმცა მოსამართლემ გურიის პოლიციის პირველი პირი სასამართლოში მისვლას აარიდა.

კეჭაყმაძე "გურიის მოამბისაგან" მასზედ გამოქვეყნებული მასალებში გადმოცემული შინაარსის უარყოფას და 10 ათას ლარს ითხოვს მორალური კომპენსაციის სახით.

დღეს სასამართლოშო მხარეებმა შუამდგომლობები წარადგინეს და საქმის ირგვლივ თავიანთი მოსაზრებები გამოთქვეს.

სასამართლოს მორიგი სხდომა ამ საკითხზე 22 იანვარს, 14 საათზე გაიმართება.

ცნობისათვის იხილეთ: ხვალ ოზურგეთის რაიონულ სასამართლოში ილა კეჭაყმაძისა და ვლადიმერ მენაბდის სასამართლო პროცესი დაიწყება

ავტორი: გურიის მოამბე
ხვალ ოზურგეთის რაიონულ სასამართლოში ილა კეჭაყმაძისა და ვლადიმერ მენაბდის სასამართლო პროცესი დაიწყება

ილა კეჭაყმაძე "გურიის მოამბესსასამართლოში უჩივის

ხვალ, დღის 12 საათზე, ოზურგეთის რაიონულ სასამართლოში ილა კეჭაყმაძისა და ვლადიმერ მენაბდის სასამართლო პროცესი დაიწყება

ვლადიმერ მენაბდის უფლებებს კახა ჩავლეშვილი დაიცავს, ილა კეჭაყმაძისა კი თბილისელ ადვოკატთა ჯგუფი.

გურიის ოპოზიციის მტკიცებით, ოზურგეთის ყოფილი ე.წ. "რუხი კარდინალი", ქალაქ ოზურგეთის ყოფილი მერის მძახალი ილა კეჭაყმაძე, გაზეთ "გურიის მოამბეს" მოსარჩელისათვის ზიანის მიმყენებელი, მოსარჩელის სახელის გამტეხი, პატივისა და ღირსების შემლახველი ინფორმაციების გავრცელებისათვის, რომლის გამოც მან, სავარაუდოდ,  უდიდესი სულიერი ტანჯვა მიიღო, უჩივის და მიყენებული ტკივილის გამო კომპენსაციის სახით, რედაქციისაგან 10 ათასს ლარს ითხოვს.

სარჩელთან ერთად კეჭაყმაძე სარჩელის უზრუნველყოფის ღონისძიების სახითოზურგეთის სასამართლოს სთხოვდააეკრძალა გაზეთისათვის მასზე ნებისმიერი სახის ინფორმაციის გავრცელებაცნობისათვის ამ უფლებით მსოფლიოშიმხოლოდ ჩრდილოეთ კორეის ლიდერიკიმ ჩენ ირი სარგებლობს.

სასამართლომ მას პირველი მოთხოვნა არ დაუკმაყოფილა.

ილა კეჭაყმაძის ადვოკატი:"განიცადა ძლიერი სულიერი აღელვება, და 49 წლის ასაკი არ არის ის ასაკი რომ ასეთ ბრალდებაზე ადამიანი არ აღელდება. რაც შეეხება ზიანს, ადამიანებს, ვინც ივნობს ილა კეჭაყმაძეს, მიუხედავად მისი დადებითი რეპუტაციისა - გაჩნდა უამრავი ეჭვი და კითხვა, საფრთხე შეექმნა სრულიად რაიონში მისდამი ნდობას, სადაც დაიბადა, გაიზარდა და ამ დრომდე სარგებლობს უდიდესი ნდობითა და პატივისცემით. არაერთი ზარი განხორციელდა როგორც ნათესავების მხრიდან, ასევე ახლობლების და თანამშრომლების მხრიდან, საფრთხე შეექმნა მის მიმდინარე სამსახურს და სამომავლო სამსახურსაც. რადგან "გურიის მოამბეს" ქვეყნის მოსახლეობის 50% კითხულობს".

აქვე გთავაზობთ ნაწყვეტს ილა კეჭაყმაძის იმ სასარჩელო განცხადებიდან, რომლითაც მან ოზურგეთის სასამართლოს მიმართა:

ილა კეჭაყმაძე, რომელიც არის უმაღლესი განათლებით, საუკეთესო მეუღლე, სამი შვილის მამა, რომელიც წლების განმავლობაში მუშაობდა მენეჯერულ პოზიციებზე, რაც მთავარია უდიდესი ქველმოქმედი, რომელიც უანგაროდ და ჩუმად აკეთებს კეთილ საქმეს, რაც გამოიხატება უნარშეზღუდული პირების დადგენაში და მათზე ზრუნვაში, როგორც მატერიალურად, ასევე ტანსაცმლით, კვებით და ა.შ. ასევე ოზურგეთის რაიონის სოფელ ნაღობილევში წმინდა ბარბარეს სახელობის ეკლესიის სრულიად მარტო ამშენებელი. ასეთ ადამიანზე მედია წერს, რომ მკვლელობებს უკვეთავს, კრიშავს, მფარველობს, ოპოზიციის წარმომადგენლებზე ზეწოლას ახორციელებს. ამ სტატიის წაკითხვის შემდეგ პირველი ის, რომ მოსარჩელემ განიცადა ძლიერი სულიერი აღელვება, და 49 წლის ასაკი არ არის ის ასაკი რომ ასეთ ბრალდებაზე ადამიანი არ აღელდება. რაც შეეხება ზიანს, ადამიანებს, ვინც ივნობს ილა კეჭაყმაძეს, მიუხედავად მისი დადებითი რეპუტაციისა - გაჩნდა უამრავი ეჭვი და კითხვა, საფრთხე შეექმნა სრულიად რაიონში მისდამი ნდობას, სადაც დაიბადა, გაიზარდა და ამ დრომდე სარგებლობს უდიდესი ნდობითა და პატივისცემით. არაერთი ზარი განხორციელდა როგორც ნათესავების მხრიდან, ასევე ახლობლების და თანამშრომლების მხრიდან, საფრთხე შეექმნა მის მიმდინარე სამსახურს და სამომავლო სამსახურსაც. რადგან მასობრივი ინფორმაციის გავრცელების შემთხვევაში ასეთ ინფორმაციას კითხულობს ქვეყნის მოსახლეობის 50% ზე მეტი და მათ რიცხვში არიან ისინიც, ვინც დასაქმებას თუ ბიზნესპარტნიორობას სთავაზობდა. შესაბამისად „გურიის მოამბის“ მიერ გავრცელებული ინფორმაცია ლახავს ილია კეჭაყმაძის იმიჯს და საქმიან რეპუტაციას. ასევე ლახავს მის პატივსა და ღირსებას“ - ნათქვამია ილია კეჭაყმაძის სარჩელში, რომლითაც ის ოზურგეთის რაიონულ სასამართლოში „გურიის მოამბეს“ მესაკუთრეს, ვლადიმერ მენაბდეს ჩივლობს.

'.$TEXT['print'].'