უძრავი ქონების განახლებული პლატფორმა Livo.ge უკვე ამოქმედდა
ავტორი: გურიის მოამბე
უძრავი ქონების განახლებული პლატფორმა Livo.ge უკვე ამოქმედდა

უძრავი ქონების განახლებული პლატფორმის, Lივო.გე-ს ბეტა ვერსია, რომელიც თიბისი ჯგუფის ინიციატივით Aლლპროპერტყ.გე-ს ბაზაზე შეიქმნა, დღეიდან ამოქმედდა. Lივო.გე მნიშვნელოვნად დაზოგავს მომხმარებლის დროს და ფინანსურ რესურს და მათ უძრავი ქონების სფეროში არსებულ ყველა სერვისს ერთ სივრცეში შესთავაზებს. 

განახლებული პლატფორმით სარგებლობა შეუძლიათ, როგორც ბინის ყიდვა-გაყიდვის მსურველ ფიზიკურ პირებს, ისე დეველოპერებს. პლატფორმის საშუალებით, მომხმარებელი სანდო, გაადამოწმებული ინფორმაციის მიღებას მარტივად და  დისტანციურად შეძლებს, დამატებით  პროცედურების გარეშე. 

Lივო.გე-ზე უკვე შესაძლებელია შემდეგი სერვისების მიღება: უძრავი ქონების მოძიება, შედარება სხვადასხვა კრიტერიუმის მიხედვით, შეფასება, დაფინანსების მიღება, უძრავი ქონების გადაფორმება.

უახლოეს მომავალში Lივო.გე მომხმარებელს ყველა იმ პროდუქტს, სერვისსა თუ ფუნქციონალს შესთავაზებს, რაც უძრავი ქონების ყიდვა-გაყიდვით დაინტერესებულ პირს შესაძლოა დასჭირდეს ბინის შერჩევიდან - საცხოვრებლად გადასვლამდე. ციფრული პლატფორმა ღია იქნება  ყველასთვის,  განურჩევლად იმისა, რომელი ბანკის მომხმარებელია უძრავი ქონებით დაინტერესებული ფიზიკური/ იურიდიული პირი ან დეველოპერი. 

Lივო.გე მომხმარებელს უკვე სთავაზობს რამდენიმე ინოვაციურ სერვისს, რომლის ანალოგი ქართულ ბაზარზე არ არსებობს. პირველად საქართველოში, უძრავი ქონებით დაინტერესებულ პირებს შესაძლებლობა აქვთ, ონლაინ ისარგებლონ უძრავი ქონების შეფასების სერვისით. ამისათვის Lივო.გე-ზე მხოლოდ განცხადების დაფიქსირებაა საჭირო. აღნიშნულ მომსახურებას მომხმარებელი სერტიფიცირებული შემფასებლის მიერ უმოკლეს დროში, ხელმისაწვდომ ფასად მიიღებს. 

Lივო.გე-ს დაემატა კიდევ ერთი სიახლე - 3D ფოტოტურები. უახლესი, მაღალტექნოლოგიური „მატერპორტის" კამერის მიერ გადაღებული 3D ფოტოების საშუალებით მომხმარებელს უძრავი ქონების მაქსიმალურად ზუსტად აღქმის შესაძლებლობა უკვე ვირტუალურად ექნება, ადგილზე მისვლის გარეშე. 

თიბისი ჯგუფმა უძრავი ქონების პლატფორმის Aლლპროპერტყ.გე-ს 90%-იან წილი 2018 წელს  შეიძინა. შეთანხმების მიხედვით, Lივო.გე დამოუკიდებელ კომპანიად რჩება, მხარეებს შორის თანამშრომლობა კი ანალიტიკურიინფორმაციის გაცვლას უზრუნველყოფს, რაც კომპანიებს მომხმარებლების სურვილებისა და საჭიროებების უკეთ გაგებასა და მათზე მორგებული შეთავაზებების განხორციელებაში დაეხმარება. 

უძრავი ქონების ციფრული პლატფორმის განვითარება  თიბისი ჯგუფის იმ სტრატეგიის ნაწილია, რომელიც ციფრული ეკოსისტემების შექმნას გულისხმობს და ეს პროცესი მომავალშიც გაგრძელდება.

'.$TEXT['print'].'