„საპენსიო ფონდში დაგროვებული 41 მილიონი ლარიდან 600 000 ინფლაციამ უკვე შეჭამა...“
ავტორი: გურიის მოამბე
„საპენსიო ფონდში დაგროვებული 41 მილიონი ლარიდან 600 000 ინფლაციამ უკვე შეჭამა...“

ზვიად ხორგუაშვილი სოციალურ ქსელში საპენსიო ფონდის შესახებ წერს. მისი მოსაზრებით, ხელფასებიდან ჩამჭრილი 41 მილიონი ლარიდან დაახლოებით 600 000 უკვე ინფლაციამ შეჭამა და რაც უფრო მეტად დააგვიანებს ხელისუფლება თანხის დაბანდებას, მით ნაკლები დარჩება.

„სავალდებულო საპენსიო თანხა რომ ჩამოგვეჭრა მათ, ვინც ვმუშაობთ, ხომ გახსოვთ? 41 მლნ ლარია დაგროვებული. ჰოდა, დაახლოებით 600 000 ლარი ინფლაციამ უკვე შეჭამა, რადგან მთავრობამ ინვესტიცია არ გააკეთა. საინვესტიციო საბჭო ჰყავს დასაკომპლექტებელი. ანუ ასეულ მილიონობით თანხას გვართმევენ და ჯერ ესეც არაა გაკეთებული.

წლის ბოლომდე ვერ ვიზამთო. წლის ბოლოს კი ასე 10 მილიონი ლარი ექნება უკვე შეჭმული ინფლაციას (ერ. ბანკის მიზნობრივ ინფლაციას და დაგეგმილ შემოსავლებს თუ გავითვალისწინებთ).

მორალი: თუ არ გამოვფხიზლდით, უარესად გადაგვივლიან“.

'.$TEXT['print'].'