"ეს არ არის ბახმაროზე მორგებული შენობა"-"კურორტ ბახმაროს" დირექტორი დარბეულ კინოთეატრზე
ავტორი: გურიის მოამბე
"ეს არ არის ბახმაროზე მორგებული შენობა"-"კურორტ ბახმაროს" დირექტორი დარბეულ კინოთეატრზე

"ძალიან ცუდი ფაქტი მოხდა, ვანდალურს დავარქმევდი მე ამას. რა თქმა უნდა დაწყებულია საგამოძიებო მოქმედებები, ჩემი ინფორმაციით, ეჭვმიტანილია 6 არასრულწლოვანი. საკმაო დაზიანება აქვს როგორც კედლებს, ისე სავარძლებს. მოტივი ჩემთვის უცნობია. მაგრამ არ მგონია ადგილობრივები ყოფილიყვნენ. პოლიტიკური მოტივიც გამორიცხულია. 

თავის დროზე ეს შენობა რომ აშენდა, ხარვეზები ჰქონდა. არ არის ბახმაროსთვის მორგებული კონსტრუქცია, ეს დახურულია ტოლით. წყალი ჩამოდიოდა, სახურავი კი შევცვალეთ, მაგრამ კინოთეატრში ღონისძიება საერთოდ არ გამართულა. უფუნქციოდ იყო.
დატვირთვა რატომ არ მოხდა ამის, ეს არ ვიცი.
მართალია, ექსპერტებს არ უთქვამს, ეს შენობა შეუსაბამაოაო, უბრალოდ ჩვენი გამოცდილებით ვამბობ."-ასე ეხმაურება ბახმაროს კინოთეატრის დარბევის ფაქტს ა.ი.პ "კურორტ ბახმაროს" დირექტორი დავით საჯაია. 

ბახმაროში კინოთეატრი „ბახმარო“ დაარბიეს. 2012 წელს, წინა ხელისუფლების მიერ გახსნილი კინოთეატრი მთლიანად განადგურებულია. შენობის კედლები და ჭერი ჩამონგრეულია, ჩამსხვრეულია მინები და მაყურებლებისთვის განკუთვნილი სკამები.

Image may contain: plant and indoorოპოზიცია მომხდარში ადგილობრივ ხელისუფლებას და ეკონომიკის სამინისტროს ადანაშაულებს. მათი განმარტებით, 2012 წელს შენობა-ნაგებობები უწყებამ სპეციალურად დაიკეტა და განადგურებისთვის გაიმეტა.

„კურორტი ბახმარო არის კლასიკური მაგალითი იმისა, თუ როგორ ანადგურებს „ქართული ოცნება“, აჩანაგებს ყველაფერს, რაც უკავშირდება წინა ხელისუფლებას, რაც უკავშირდება „ნაციონალურ მოძრაობას“ , რაც უკავშირდება კონკრეტულად მიხეილ სააკაშვილს და ამის ნათელი მაგალითი არის კინოთეატრი, რომელიც ჩემს ზურგს უკან არის, რომელიც გაანადგურეს პრაქტიკულად Image may contain: indoorუპატრონობით და რამდენიმე დღის უკან ის ააოხრეს და უნდათ ეს ყველაფერი გადააბრალონ ახალგაზრდებს იმისთვის, რომ ეს ყველაფერი იყო „ოცნების“ უნიათობა და მავნებლობა ჩაფარცხონ,“- განაცხადა ოზურგეთის მუნიციპალიტეტის „ერთიანი ნაციონალური მოძრაობის“ თავმჯდომარემ, დავით მჟავანაძემ.

შინაგან საქმეთა სამინისტროს გურიის პოლიციის დეპარტამენტის განცხადებით, თანამშრომლებმა ნივთის დაზიანების, ან განადგურების ფაქტზე 6 არასრულწლოვანი ამხილეს.

'.$TEXT['print'].'