“კვლავაც მძლავრობს დიფ სთეითი“ – ირაკლი კობახიძე ტრანსატლანტიკურ ვახშამზე საქართველოს არმიწვევაზე

„რაც შეეხება დემოკრატიას, ადამიანის უფლებებს, ეკონომიკურ პოლიტიკას და ყველა პარამეტრს, სადაც ქვეყნდება რეიტინგები, ინდექსები, სადაც კონკრეტული კრიტერიუმების მიხედვით ფასდება ქვეყნები – ვართ ლიდერები. დანარჩენი არის პოლიტიკა, შიშველი პოლიტიკა, კონკრეტული პოლიტიკური ინტერესები და ჩვენ გვაქვს ჩვენი ეროვნული ინტერესები და როგორც ხედავთ, ბოლომდე ვიცავთ ჩვენს ეროვნულ ინტერესებს, როგორც პოლიტიკურ, ისე ეკონომიკურ ინტერესებს.

რაც შეეხება აშშ-ს, ჩვენ დიდი იმედი გვაქვს, რომ ურთიერთობები გადაიტვირთება. თუ დიფ სთეითი დამარცხდება ამ ბრძოლაში, რასაც ჰქვია ბრძოლა დიფ სთეითსა და ტრამპის ადმინისტრაციას შორის, ამ შემთხვევაში ურთიერთობები დალაგდება. თუ გაიმარჯვებს დიფ სთეითი, ამ შემთხვევაში, გაგრძლდება სირთულეები, თუმცა, ჩვენ სირთულეებსაც მიჩვეული ვართ. ყველა შემთხვევაში, ბოლომდე დავიცავთ ჩვენს ეროვნულ ინტერესებს.

ზოგადად, როდესაც დამოკიდებულება არ იცვლება საქართველოს მიმართ, ეს ნიშნავს იმას, რომ კვლავაც მძლავრობს დიფ სთეითი“ — ამბობს ის.

აშშ-ის სახელმწიფო მდივანმა მარკო რუბიომ 2025 წლის ტრანსატლანტიკურ ვახშამს უმასპინძლა, სადაც საქართველო მიწვეული არ ყოფილა. ვახშამს ევროკავშირისა და NATO-ს წევრი ქვეყნების საგარეო საქმეთა მინისტრები, NATO-ს გენერალური მდივანი მარკ რუტე, ევროკავშირის უმაღლესი წარმომადგენელი კაია კალასი და სომხეთის, აზერბაიჯანის, შვეიცარიისა და უკრაინის საგარეო საქმეთა მინისტრები ესწრებოდნენ