მიხეილ სააკაშვილი – მინდა ბოდიში მოვუხადო მთელ საქართველოს იმისთვის, რომ უფრო მეტად ვერ შევეწინააღმდეგე ამ ეროვნული კატასტროფის დადგომას

მაშინ 21 წლის სტუდენტი ვიყავი და ვერ ვხედავდი რეალურად ვინ მოდიოდა იმ ხელისუფლების ნაცვლად, რომლის შეცვლაც გულწრფელად მინდოდა. ამის შემდეგ მუდმივად ვიბრძვი, რომ ჩემი შეცდომა საკუთარ თავთან და ჩემს სამშობლოსთან ოდნავ მაინც გამოვასწორო. ვიბრძვი საყდრისის აქციებიდან მოყოლებული, ვიბრძვი ყველა იმ რესურსით, რაც ერთ რიგით ადამიანს გააჩნია, მაგრამ ჯერ ვერ შევძელი სინდისის დამშვიდება.

მიუხედავად იმისა, რომ ახლაც მჯერა, მაშინ ხელისუფლების შეცვლის დრო იყო, რომ მცოდნოდა ქართული ოცნება ამდენ ბოროტებას ჩაიდენდა, მათ შორის ახალ ციხის კადრებს მოვესწრებოდი, ნამდვილად არ ვიქნებოდი სტუდენტური აქციების სათავეში.

ბევრი ის ადამიანი, ვისთან ერთადაც მაშინ აქციებზე ვიდექი დღესაც პროტესტშია, თუმცა არიან ისეთებიც, ვინც თბილ სკამებზე დასხდნენ და დღეს ტროლ-ბოტების ბინძურ ქარხნებს ამუშავებენ: აღმოჩნდა, რომ სამართლიანობისთვის კი არა, საკუთარი პირადი კეთილდღეობისთვის იბრძოდნენ.

ბოდიშს ვუხდი ჩვენს ქვეყანას და ხალხს, იმის გამო, რომ ჩემს ახალგაზრულ, გულწრფელ ემოციებს ავყევი და საქართველოს დაზიანებას თუნდაც მცირედით შევუწყვე ხელი. ამის გამოსასწორებლად მე ცხოვრების ბოლომდე ვიბრძოლებ” დაწერა თორნიკე რაზმაძემ, ფეისბუკში;