პარლამენტის ყოფილი დეპუტატი დავით ზურაბიშვილი სოციალურ ქსელსი წერს, რომ გეგმავს “ქართული ოცნების“ თავმჯდომარეს, ირაკლი კობახიძეს სასამართლოში ცილისწამების გამო უჩივლოს, რადგან კობახიძემ მას “უცხოელი აგენტი უწოდა”.
“ესე იგი ხალხის ძალამ რომ გაავრცელა ეს ბოდვა, ვიფიქრე, დავიკიდებ, რამდენი იდიოტი რამდენ სისულელეს იტყვის, ყველაფერს ხომ არ გამოვეკიდები მეთქი, მაგრამ როდესაც თვით მმართველი პარტიის თავმჯდომარემ დამდო პატივი და განაცხადა, ზუსტად ვიცით დავით ზურაბიშვილი უცხო ქვეყნის აგენტი რომააო, ამას ნამდვილად ვერ დავტოვებ რეაგირების გარეშე.
აქვე კიდევ ერთხელ დავადასტურებ იმას, რის გამოც ასეთი პატივი დავიმსახურე: თუ ბიძინა ივანიშვილი იქნება რუსეთის ინტერესების გამტარებელი რეგიონში და წინააღმდეგობას გაუწევს რუსეთის გვერდის ავლით ევროპაში ენერგორესურსების განხორციელების პროექტს, ნამდვილად არ გამოვრიცხავ, რომ როგორც პუტინზე გაიცა დაკავების ორდერი ჰააგის სასამართლოდან, იგივე მოხდეს მისი რეგიონული მოკავშირის მიმართაც.
ეს არის ელემენტარული ლოგიკა, გამომდინარე შექმნილი გეოპოლიტიკური რეალობიდან და თუ ვინმეს ხელისუფლებაში სერიოზულად გგონიათ, რომ ამას მე ამერიკის დაზვერვა თუ მასონთა ლოჟა მალაპარაკებს ბიძინას დაშანტაჟების მიზნით, ვაი თქვენს პატრონს უბედურს! ბატონ კობახიძეს რაც შეეხება, კიდევ ერთხელ გავიმეორებ, რომ მის ამ გამოხტომას რეაგირების გარეშე ვერ დავტოვებ. გავივლი კონსულტაციას იურისტებთან და აუცილებლად ვუჩივლებ მას სასამართლოში ცილისწამებისთვის.
#აგენტიმამაშენია”, – წერს ზურაბიშვილი.
მსგავსი სტატიები:
“ჯერ უბრალოდ ვაზუსტებ ნიკა მელია დამემუქრა თუ ხუმრობა იყო”-იაგო ხვიჩია
“აიცერი” – ოზურგეთის საკრებულოს თავმჯდომარე “ასტრაზენეკა”-თი აიცრა
“ოცნების” ოფისთან ოპოზიციის წევრებს და აქტივისტებს აკავებენ
საარჩევნო უბნის ე.წ. დალუქულ ოთახში ქალი იპოვეს – რა მოხდა ბათუმში
რომელი აპლიკაციაა საქართველოში „მწვანე პასპორტით“ სარგებლობისთვის
“ყველამ იცის, რომ 2024 წლამდე არავითარი ვადამდელი არჩევნები არ იქნება”
საქართველოს საგარეო უწყება ტვიტერის განცხადებით გმობს ბუჩას ხოცვა-ჟლეტას
სოფელ შრომაში ხანძრის შედეგად დაზარალებულ ოჯახს ოზურგეთის მერია დაეხმარება