წელს გლობალური თხილის ბაზარი მზარდ არასტაბილურობას განიცდის, რაც, ძირითადად, თურქეთის შავი ზღვის რეგიონში აპრილის ყინვების შედეგებით არის განპირობებული.
ამის შესახებ საინფორმაციო საკომუნიკაციო პლატფორმა Commodity Board წერს, რომელიც აგროსასურსათო სექტორის კომპანიებს სასოფლო-სამეურნეო პროდუქციის ფასებზე ინფორმაციას აწვდის.
თურქეთი, რომელიც თხილის გლობალურ წარმოებასა და ექსპორტში დომინირებს, ხშირად ფასებზე ძლიერად ზემოქმედებს. თუმცა ბოლოდროინდელი უამინდობით გამოწვეულმა შოკებმა და მოსავლიანობაზე განსხვავებულმა შეფასებებმა ბაზარი ცვალებადი გახადა. თურქეთის სტატისტიკის ინსტიტუტის (TÜİK) 2025/26 წლების მოსავლის ბოლო შეფასება 520.000 ტონას შეადგნს, რაც შავი ზღვის ექსპორტიორთა ასოციაციის (KiB) 609.400 ტონის პროგნოზს მკვეთრად ეწინააღმდეგება, ხოლო KiB-ის წინა 2024/25 წლების პროგნოზზე 22%-ით ნაკლებია. სტატისტიკაში ასეთი განსხვავება ბაზრის განწყობაში კიდევ უფრო მეტ გაურკვევლობას იწვევს.
გადატანილი ყინვების მიუხედავად, თურქეთი მსოფლიოში უმსხვილეს ექსპორტიორად რჩება, რომლის წილიც გლობალურ ბაზარზე 60%-ზე მეტია. გლობალური მყიდველები აფართოებენ დაფარვას, რადგან წარმოების შემდგომ შემცირებაზე შეშფოთება იზრდება. მოელიან, რომ გლობალური მარაგი შემცირდება, თუ თურქული წარმოება TÜİK-ის პროგნოზის დაბალ ზღვრამდე დაეცა. ტრეიდერები და გადამამუშავებლები ფიუჩერსების/ოფციონების ბაზარზე თავიანთ ყოფნას ზრდიან, რადგან ფასების ცვალებადობა იზრდება.
შოკოლადისა და საკონდიტრო ინდუსტრიები ევროპასა და აზია-წყნარი ოკეანის რეგიონში ძლიერ მოთხოვნას ინარჩუნებენ.
2025/26 წლიურ სეზონზე თხილის წამყვანი მწარმოებელი ქვეყნების მოსავლის პროგნოზი ასეთია:
- თურქეთი – წელს 520.000 ტონა (TÜİK-ის მონაცემები) – 2024/25 წელს 609.400 ტონა (KiB-ის მონაცემები); 2023/24 წელს 640.000 ტონა
- თურქეთი – წელს 609.400 ტონა (KiB-ის მონაცემები) – 2023/24 წელს 630.000 ტონა; 2023/24 წელს 650.000 ტონა
- იტალია – წელს 125.000 ტონა; 2024/25 წელს 125.000 ტონა; 2023/24 წელს 130.000 ტონა
- აზერბაიჯანი – წელს – 65.000 ტონა; 2024/25 წელს 65.000 ტონა; 2023/24 წელს 62.000 ტონა
- საქართველო – წელს – 60.000 ტონა; 2024/25 წელს 60.000 ტონა; 2023/24 წელს 58.000 ტონა
1 კილოგრამი თხილი 8-10 ევრო ღირს
რაც შეეხება ფასებს, ვარშავის ბირჟზე 1 კგ. 11-13 მმ-იანი თხილის ამჟამინდელი ფასი 8.75 ევროა, ხოლო მოკლევადიან პერსპექტივაში 8.80-სა და 8.90 ევროს შორის ვარირებს. 13-15 მმ-იანი თხილი 8.85 ევრო ღირს, რომელიც შესაძლოა, 8.90-9.00 ევრომდე გაძვირდეს.
სტამბოლის ბირჟაზე 1 კგ. 13-15 მმ-იანი თხილის ამჟამინდელი ფასი 9.62 ევროს, ხოლო მოკლევადიანი პროგნოზით 9.70-9.90 ევროს შეადგენს.
მსგავსი სტატიები:
დღეიდან, მოქალაქეები, რომლებიც ღია და დახურულ სივრცეებში პირბადეს არ გამოიყენებენ, 20 ლარით დაჯარიმდებიან
ერთი ნაბიჯი სიკვდილამდე- ცნობილების იშვიათი, უკანასკნელი ფოტოსურათები
“უხერხემლო და უნებისყოფო პრეზიდენტია”-იმედგაცრუებული ოპოზიცია
კიკბოქსინგში ოზურგეთელმა როლანდ ქარჩავამ ოქროს მედალი მოიპოვა
“ბიჭები ბოლომდე იბრძოლებენ, თუმცა ელიან, რომ მათთვისაც იბრძოლებენ” – აზოვის მეთაური
ჩარკვიანი ბოკერიას „პოლიტიკურად განულებულს“ უწოდებს
ჭინკები, ქაჯები და „შეცდენილი“ გურული კაცები
ყველა დარწმუნდა, რომ “ოცნება” არის ღიად დეკლარირებული პრორუსული პოლიტიკის გამტარებელი – მელია
