გასული წლებისგან განსხვავებით, ქართული ენისა და ლიტერატურის ეროვნულ გამოცდაზე გამოყენებული ტესტების ვარიანტების (6 ვარიანტი) გამოქვეყნება ძირითადი გამოცდის დასრულების შემდეგ აღარ მოხდება.
როგორც EDU.ARIS.GE ავრცელებს ინფორმაციას, გასწორება ელექტრონულად მიმდინარეობს და მასში ჩართულნი არიან სპეციალისტები საქართველოს ყველა რეგიონიდა
“6 ივლისს აბიტურიენტები უცხოური ენის გამოცდას აბარებენ. უცხოური ენების გამოცდა ორ სესიად ჩატარდება და სამი დღე გაგრძელდება. საგამოცდო პროცესის პარალელურად იწყება ქართული ენისა და ლიტერატურის ნაშრომების გასწორების პროცესი.
გასწორება ელექტრონულად მიმდინარეობს და მასში ჩართულნი არიან სპეციალისტები საქართველოს ყველა რეგიონიდან. გამსწორებელი კოდირებულ ნაშრომს სრულად ვერ ხედავს და მასთან მხოლოდ ცალკეული დავალებები მიდის. თითოეულ დავალებას ორი გამსწორებელი ერთმანეთისგან დამოუკიდებლად ასწორებს. იმ შემთხვევაში, თუ მათი შეფასებები ერთმანეთს არ დაემთხვევა, ნაშრომი გასასწორებლად მესამე სპეციალისტს გაეგზავნება.
წელს დამატებითი საგამოცდო სესიები დაინიშნება იმ აბიტურიენტებისათვის, რომლებსაც კოვიდინფექცია დაუდასტურდათ და ამის გამო ვერ შეძლეს დანიშნულ დღეს საგამოცდო ცენტრში მისვლა. გამოცდაზე გამოყენებული ტესტები კონკრეტულ საგანში ყველა სესიის, მათ შორის, დამატებითი სესიის დასრულების შემდეგ გამოქვეყნდება.
შეფასებისა და გამოცდების ეროვნული ცენტრი პირველადი შედეგების გამოცხადებას ეტაპობრივად დაიწყებს. მიღებულ ქულებს აბიტურიენტები გასწორების დასრულებისთანავე შეიტყობენ”, – ვკითხულობთ გამოცდების ცენტრის მიერ გაკეთებულ განმარტებაში.
მსგავსი სტატიები:
ქართული მოდერნისტული ხელოვნების ოქროს ხანა – The Guardian-ი საქართველოზე წერს
ქაღალდის საოცარი ნამუშევრები – იაპონელი მხატვრისგან
“საჩუქარი საკნიდან, რომელიც ნიკა მელიამ მეუღლეს გამოუგზავნა”
გამოქვეყნდა აშშ-ის პრეზიდენტისა და ვიცე-პრეზიდენტის საგადასახადო დეკლარაციები
ოზურგეთში ძლიერმა ქარმა ხე მოგლიჯა
4 რეგიონი, სადაც ყველაზე მეტი ადამიანი დაიკარგა 2020-ში
კორონავირუსის საწინააღმდეგო, ჩინური „სინოვაკით“ ვაქცინაციის პროცესი დღეიდან იწყება
სკოლას ახალი ვალდებულება დაეკისრა – რას ეხება მორიგი ცვლილება ესგ-ში?