“რაც უფრო სწრაფად გახდება შესაძლებელი უკრაინის გათავისუფლება რუსი დამპყრობლებისგან, მით სწრაფად აღდგება სასურსათო უსაფრთხოება მსოფლიოში”

უკრაინის პრეზიდენტის ვოლოდიმირ ზელენსკის განცხადებით,რაც უფრო სწრაფად გახდება შესაძლებელი უკრაინის გათავისუფლება რუსი დამპყრობლებისგან, მით სწრაფად აღდგება სასურსათო უსაფრთხოება მსოფლიოში. ამის შესახებ უკრაინის პრეზიდენტმა ვიდეომიმართვაში განაცხადა.

„ახლა უკრაინის მხარდაჭერა პირველ რიგში იარაღით ნიშნავს გლობალური შიმშილის დაუშვებლობაზე მუშაობას. რაც უფრო სწრაფად გავათავისუფლებთ ჩვენს მიწას და უზრუნველყოფთ უკრაინას უსაფრთხოებით, მით სწრაფად აღდგება სასურსათო ბაზრის ნორმალური მდგომარეობა“,- განაცხადა ზელენსკიმ.

ქვეყნის პირველი პირის თქმით, სასურსათო უსაფრთხოება ერთ-ერთი ის საკითხია, რომლითაც პირადად ის ყოველდღიურად არის დაკავებული. ზელენსკის განმარტებით, სახელმწიფოთა სულ უფრო დიდი რაოდენობა აცნობიერებს, რომ რუსეთი, შავი ზღვის დაბლოკვით და ამ ომის გაგრძელებით, სხვა ათეულობით ქვეყანას სასურსათო ბაზრის კრიზისისა და შიმშილის საფრთხის წინაშე აყენებს.

„ეს კიდევ ერთი სტიმულია ჩვენი ომის საწინააღმდეგო კოალიციის, რათა იმოქმედოს უფრო გადამწყვეტად“,- განაცხადა პრეზიდენტმა.

ზელენსკი აშშ-ის სენატის წევრებთან შეხვედრასაც გამოეხმაურა და აღნიშნა, რომ ეს ვიზიტი აჩვენებს აშშ-ის ორპარტიული მხარდაჭერის სიძლიერეს, უკრაინელ და ამერიკელ ხალხებს შორის კავშირის მუდმივობას. შეხვედრაზე ასევე განიხილეს უკრაინის მხარდაჭერის სხვადასხვა სფერო, კერძოდ, თავდაცვის და ფინანსური, ასევე რუსეთის წინააღმდეგ სანქციების გაძლიერება. პრეზიდენტმა მადლობა გადაუხადა ისტორიული გადაწყვეტილებისთვის „ლენდ-ლიზის“ პროგრამის განახლების შესახებ და მოუწოდა აშშ-ს ოფიციალურად აღიაროს რუსეთი ტერორისტულ სახელმწიფოდ.

გააზიარეთ და მოიწონეთ სტატია:

მსგავსი სტატიები:

რა ღირს ფეხსაცმელი, რომელიც “ოცნების” ლიდერებში ძალიან პოპულარულია? 103 წლის წინ ვაშნართან დაღუპულ გმირების ხსოვნას პატივი მიაგეს “ნადიამ მიიღო, ქეთიმ ვერა, შემდეგ გაბოროტდნენ პუტჩისტქალები…” – რას პასუხობს გიორგი გამსახურდია ქეთი დოლიძეს? „ხელფასი დაბალია პედაგოგებისთვის და უნდა გავზარდოთ“ – პარლამენტის დეპუტატის განცხადება საბავშვო ბაღებში ანაზღაურებაზე 2 სექტემბერს ბათუმში დაგეგმილი საქართველო-კოსოვოს მატჩი მაყურებლის გარეშე გაიმართება “ჩასვამენ ავტობუსებში დილას მისულ ხალხს რეგიონებში და ექსკურსიაზე წამოიყვანენ თბილისში” – ხუხაშვილი “ოცნების” დაანონსებულ აქციაზე ბოლო24 საათის განმავლობაში, გურიაში კორონავირუსის -25ახალი შემთხვევა დაფიქსირდა-27 დეკემბრის კოვიდსტატისტიკა “კი არ დავფორთხავდი ფრონტის წინა ხაზზე ვიყავი” – სააკაშვილი აგვისტოს ომზე