გურიაში საკლასო ოთახებში სასწავლო პროცესი პირველი თებერვლიდან დაიწყება

სასწავლო პროცესის საკლასო ოთახებში პირველი თებერვლიდან დაწყებასთან დაკავშიკრებით ინფორმაცია სკოლებმა უკვე მიიღეს.

“დიახ, ვგეგმავთ დაწყებას, მიმდინარეობს პედაგოგთა ტესტირება, და იმის მიხედვით გადაწყდება. შეიძლება სადმე დარჩეს ჰიბრიდული მოდელი”-გვითხრა ლანჩხუთის საგანმანათლებლო რესურსცენტრის ხელმძღვანელმა, ნინო ჩიტაძემ.

“აღსანიშნავია, რომ იმ სკოლებში, სადაც სასწავლო პროცესი საკლასო ოთახში წარიმართება სამედიცინო პროტოკოლი მკაცრად იქნება დაცული და მოხდება მასწავლებელთა სისტემატური ტესტირება 2 კვირაში ერთხელ”-ნათქვამია საქართველოს განათლების, მეცნიერების, კულტურისა და სპორტის სამინისტროს განცხადებაში, სადაც ასევე ვკითხულობთ, რომ საბავშვო ბაღებს, პროფესიულ სასწავლებლებსა და უმაღლეს სასწავლებლებს, მოქმედი რეგულაციები უნარჩუნდება 1 მარტამდე.

გააზიარეთ და მოიწონეთ სტატია: