გურიაში რუსეთის იმპერიის გამარჯვების დღე აღნიშნეს. 1854 წლის ჩოლოქის ბრძოლის შედეგები სოფელ ჭანიეთის მოსახლეობის ნაწილმა იზეიმა. წლევანდელი ღონისძიებები განსაკუთრებული აღმოჩნდა. ადგილობრივებმა ყირიმის ომის პერიოდში რუსეთის იმპერიის ოსმალეთზე გამარჯვებას სიმღერეები მიუძღვნეს და მდინარეს ყვავილები გაატანეს. ღონისძიების ორგანიზება ოზურგეთის ფოლკლორის ცენტრის ხელმძღვანელმა ითავა.
ავთანდილ სრუგულაძე ამბობს, რომ ტრადიციას დიდი ხანია მისდევენ, რადგან ამ ომს ჭანიეთის მოსახლეობის დიდი ნაწილი შეეწირა.
”ჩვენს სოფელთან მოხდა ეს ბრძოლა და ჩვენი სოფლელები გავდივართ აღვნიშნავთ, ყვავლები ჩავყარეთ, იქ სიმღერა ჩავდეთ. არ მეუხერხულობა, ჩვენი სოფლელები, ქართველები დაიღუპნენ და ვიგონებთ გმირებს” – ამბობს სურგულაძე.
ამ ღონისძიებაში კი ადგილობრივი საჯარო მოხელეებიც იყვნენ ჩართულები. ღონისძიებას პირადად ესწრებოდა საკრებულოს ინფრასტრუქტურის კომისიის თავმჯდომარე ბექა თოიძე.
”ეს არის სოფლის ტრადიცია, ყოველწლიურად აღნიშნავენ ამას. რა შუაშია რუსეთი, ჩვენ ჩვენი ბიჭები გავიხსენეთ” – ამბობს თოიძე.
ადგილობრივი ოპოზიცია კი ამბობს, რომ ეს რუსეთის იმპერიის გამარჯვების დღეა და მოქმედი ხელისუფლების პირობებში ამ მოვლენის აღნიშვნა გასაკვირი არ არის. მათი თქმით, “ქართული ოცნება” რუსულ პოლიტიკას უკვე ღიად აწარმოებს.
”პირდაპირ ისტორიულ წყაროებში წერია, რომ ეს არის რუსეთის იპერიის გამარჯვება თურქეთზე. აი, ამას აღნიშნავენ. უდიდესი ტრაგედია, არის ის, რომ აღარ უკვირს, სამწუხაროდ, არავის, იმიტომ, რომ რუსეთიფიკაცია კი არა, რუსეთში ვცხოვრობთ ჩვეულებრივად და ივანიშვილის რჩეულ მონები ამას უკვე აღარ მალავენ” – ამბობს ოზურგეთის საკრებულოს დეპუტატი ენმ-დან თათია ნიკოლაშვილი.
წყარო ტვ პირველი
მსგავსი სტატიები:
ოზურგეთში მაღაზიის გაქურდვის ფაქტზე, გამოძიება დაიწყო
“ასეა ბიძია, ვინც ფულს იხდის, ხალხიც მის გვერდით დგას” -ვინ შეუერთდა ოზურგეთიდან “უცნობის” აქციას?
103 წლის წინ ვაშნართან დაღუპულ გმირების ხსოვნას პატივი მიაგეს
რატომ არ თმობს “ოცნება” ცოცხალი თავით სასამართლოს?
ოზურგეთში მიცვალებული გაცოცხლდა
ჩამოართმევენ თუ არა ოპოზიციის დეპუტატებს სიტყვას – რას ითხოვს ბესო მელუა?
”რუს ოლიგარქს ტყვედ ყავს აყვანილი პუტინთან მებრძოლი პრეზიდენტი, თავისუფალი სიტყვა და მთელი ქვეყანა”
„საკუთარი ქალაქის დაცინვა სამარცხვინოა!” – რას ამბობს ოზურგეთის მერი ქალაქში დადგმულ კუბოს ფორმის საყვავილეებზე