არჩევნების სამართლიანად ჩატარება არ არის იმაზე დამოკიდებული, სად იქნება სააკაშვილი – ამის შესახებ საქართველოს პრეზიდენტმა Chatham House-ის ღონისძიებაზე დასმული კითვის საპასუხოდ განაცხადა.
სალომე ზურაბიშვილმა თქვა, რომ რეპუტაციულად, ჯობდა სააკაშვილი ციხეში არ ყოფილიყო, მაგალითად უკრაინაში დაეშვათ მისი ექსტრადაციის ნება, როგორც ამას უკრაინა ითხოვდა.
საქართველოს პრეზიდენტს ჰკითხეს მიხეილ სააკაშვილის შესაძლო შეწყალებაზეც, რაზე სალომე ზურაბიშვილმა მკაფიოდ განაცხადა, რომ ქვეყნის გარეთ შეწყალებაზე არასოდეს საუბრობს და ისიც აღნიშნა, რომ შეწყალება მისი პასუხისმგებლობა და “მასზე არც ქვეყნის გარე და შიდა ზეწოლა გავლენას ვერ ახდენს”
”არჩევნების თავისუფლად და სამართლიანად ჩატარება არ არის იმაზე დამოკიდებული სად იქნება სააკაშვილი. ის არ არის ნავალნი. ის ყოფილი პრეზიდენტია, რომლის პრეზიდენტობის დროს ბევრი რამ მოხდა, არ ვიცი ეს როგორ ითქმის. ავტორიტარული რეჟიმი, სადაც პატიმრების მიმართ ძალადობდნენ. თუმცა რა თქმა უნდა ეს არ ნიშნავს რომ მის მიმართ არასამართლიან მოპყრობას უნდა ჰქონდეს ადგილი. ჩვენ ვაწარმოებთ მონიტორინგს. რეპუტაციულად, რა თქმა უნდა, ჯობდა სხვაგან ყოფილიყო და არა ციხეში. უკრაინას ჰქონდა ინიციატივა ექსტრადაციის შესახებ და მზად იყო. მე არასდროს ვსაუბრობ ქვეყნის გარეთ შეწყალებაზე. შეწყალებაზე ბევრი საუბრობს და ელოდება. და როცა იწყებ ახსნას, ეს არასამართლიანია სხვების მიმართ. ეს ჩემი უფლებაა და ჩემი პასუხისმგებლობა და მასზე არც ქვეყნის გარე და შიდა ზეწოლა გავლენას ვერ ახდენს” – განაცხადა ზურაბიშვილმა.
Chatham House-ის ღონისძიებაში მონაწილეობენ ორგანიზაციის წევრი პოლიტიკოსები, დიპლომატები, აკადემიკოსები, ბიზნესის წარმომადგენლები და ახალგაზრდები. პრეზიდენტის ადმინისტრაციის ცნობით, ღონისძიებაზე სალომე ზურაბიშვილს Chatham House-ის თავმჯდომარე, ევრაზიის პროგრამის დირექტორი, ჯეიმს ნიქსი მასპინძლობს.
მსგავსი სტატიები:
“1000 მშობლის მარში”- ოზურგეთი აქციას უერთდება
“დაისახე მიზანი და გაბედე” – მეი მასკი
ცარიელ სკამებს, რომელსაც ახლა დარბაზში ვხედავთ ჰქვია თავისი სახელი – უპასუხისმგებლობა და ამ ცარიელი სკამების უკან დგანან შეშინებული და გაქცეული ადამიანები – რატი იონათამიშვილი
ოზურგეთელი ვექილი – ლომკაცი ხუტუს ძე აბაშიძე
ტუსკი-მოვუწოდებ კოლეგებს პრემიერთან განიხილონ სააკაშვილის გათავისუფლების საკითხი
ჩინეთის განცხადებით, სანქციებით აშშ “ცეცხლზე ნავთს ასხამს”, რაც “ამორალურია”
“რაც პარლამენტში მოხდა, რა მიზეზითაც არ უნდა იყოს გამოწვეული, სხვა არაფერია თუ არა პოლიტიკური კორუფციის მკაფიო მაგალითი”
დღეს რომ არჩევნები იყოს, ქართული ოცნება მინიმუმ 60%-ს აიღებდა – ღარიბაშვილი