დიდი იმედი მაქვს, აშშ და ევროკავშირი “გლობალური ომის პარტიის” გავლენებისგან გათავისუფლდება – კობახიძე

პრემიერი კობახიძე ისევ “გლობალური ომის პარტიაზე” საუბრობს, თუმცა ისევ კონკრეტიკის გარეშე, თუმცა ამტკიცებს, რომ ამ “პარტიას” “სერიოზული გავლენა აქვს” აშშ-ისა და ევროკავშირის ოფიციალურ სტრუქტურებზე. კობახიძე იმედოვნებს, რომ მომავალში შტატებიც და ევროპაც ამ “გავლენებისგან” გათავისუფლდება:

“გლობალურ ომის პარტიას აქვს გადამწყვეტი, კრიტიკული გავლენა ოფიციალურ სტრუქტურებზე როგორც აშშ-ში, ასევე ევროკავშირში, რაც არის ძალიან სამწუხარო მოვლენა. განსაკუთრებით ადვილია ევროკავშირის ოფიციალურ სტრუქტურებზე გავლენის მოპოვება, გამომდინარე იქიდან, რომ ევროკავშირში გადაწყვეტილებები არსებითად მიიღება სრული კონსენსუსით, 27 ქვეყნის მიერ. შესაბამისად , იქ საკმარისია გლობალურმა ომის პარტიამ გავლენა მოახდინოს თუნდაც ერთ ქვეყანაზე და უკვე ის, განაპირობებს ისეთ გადაწყვეტილებას, რომელიც შედის მის ინტერესებში. დაკონკრეტება გამიჭირდება, თუმცა გავლენების მასშტაბი არის ძალიან დიდი და კიდევ ერთხელ ვიტყვი, რომ ოფიციალურ სტრუქტურებზეც აქვთ სერიოზული გავლენა როგორც ერთი, ისე მეორე მიმართულებით. ანუ, საუბარია აშშ-სა და ევროკავშირზე, რაც არის ძალიან სამწუხარო მოვლენა. მე მაქვს დიდი იმედი, რომ სამომავლოდ ეს ვითარება თვისებრივად შეიცვლება და მაქსიმალურად გათავისუფლდება როგორც აშშ, ისევე ევროკავშირი გლობალური ომის პარტიის გავლენებისგან” – ამბობს კობახიძე.

გააზიარეთ და მოიწონეთ სტატია:

მსგავსი სტატიები:

არჩევნების შედეგები საზღვარგარეთ გახსნილი უბნებიდან პრემიერის გადადგომის გამო, ნიკანორ მელიას დაკავება გადაიდო – შსს „აი, პირადად შენ კი რაც ხარ, ბატონო ღარიბაშვილო, აქ არ დავწერ… უხერხულია“ – ინგა გრიგოლია ”პატიმრის დამცირება არც ქართულია, არც კაცური და არც ქრისტიანული” – ძიძიგური სააკაშვილზე ზელენსკიმ უკრაინაში საომარი მდგომარეობა გაახანგრძლივა მომდევნო 12 თვეში შესაძლოა, დეფლაციასაც კი ჰქონდეს ადგილი ეჭვი არ მეპარებოდა, რომ ქართველი ხალხი თავის სათქმელს იტყოდა–არესტოვიჩი პრეზიდენტი და პრემიერი სიონში წირვას ერთად ესწრებიან