“ქართველი ხალხის მიერ არაღიარებულ “ოცნებას” დასავლეთიც არ აღიარებს” – ლაშა ბუღაძე

რუსთაველის გამზირზე მიმდინარე საპროტესტო აქციის პარალელურად, პარლამენტთან შეკრებილი მოქალაქეები ლაშა ბუღაძის წიგნთან დაკავშირებით – “საქართველო იოსებ სტალინის წინააღმდეგ”, საჯარო ლექციას ისმენენ.

როგორც მწერალი აცხადებს, ქართველი ხალხის მიერ არაღიარებულ “ქართულ ოცნებას” არც დასავლეთი ანიჭებს ლეგიტიმაციას.

”გინდ ტრამპი იყოს პრეზიდენტი და გინდ დემოკრატების კანდიდატი ყოფილიყო. ესენი ხომ ტყუილში არიან, საკუთარ თავს ატყუებენ, საბოლოო ჯამს მოტყუებულები თვითონ დარჩებიან. როგორი ცინიზმია, ხომ ხალხი, რომელიც ლაპარაკობს ეს მდინარაძეები და კობახიძეები, რომ ვითომ და ეს სუვერენიტეტი და ღირსება და ვითომ აქ ჩვენ ბრიუსელის ჭკუაზე დავდივართ. თვითონ ელოდებიან ქართველი ხალხის მიერ არაღიარებულები ტრამპისგან აღიარებას. არავინ მათ აქ არ აღიარებს, დასავლეთი მათ არ აღიარებს და ტრამპსაც, როგორც ხავს, ისე ეჭიდებიან.

მთავარი არის ქართველი ხალხის ბრძოლა, ეს ხალხი ქუჩში, რომ არ იდგეს, რომ არ იყოს, ბუნებრივია, არ იქნება ასეთია აღტაცება საქართველოთი და ქართველი ხალხის ბრძოლით. მთავარი საქმე ჩვენი გასაკეთებელია და გავაკეთებთ კიდეც”,- ამბობს ლაშა ბუღაძე.