საარჩევნო რეფორმის კანონპროექტს პარლამენტს დღეს წარუდგენენ

საარჩევნო კოდექსში შესატანი ცვლილებების პროექტი პარლამენტს დღეს წარედგინება. აღნიშნული პროექტი ქართული ოცნებასა და მოქალაქეებს შორის გაფორმებული მემორანდუმის ნაწილი იყი, რომელსაც მოგვიანებით ევროპელი სოციალისტები შეუერთდნენ.

როგორც ქართული ოცნების წევრმა, შალვა პაპუაშვილმა თქვა, პროექტი შემუშავდა სამუშაო ჯგუფში ადგილობრივ ორგანიზაციებთან და საერთაშორისო პარტნიორებთან კონსულტაციების საფუძველზე.

“ეს პროექტი ფუნდამენტურად დახვეწს, როგორც საარჩევნო სისტემას, ისე საარჩევნო პროცედურებს და დაასრულებს ყველა სახის სპეკულაციას არჩევნებთან დაკავშირებით”, — აღნიშნა პაპუაშვილმა.

მოქალაქეების ერთ-ერთმა ლიდერმა, ლევან იოსელიანმა განაცხადა, რომ დღეს ისტორიული დღეა, რადგან მიღებულია დოკუმენტი, რომელიც სამომავლოდ არჩევნებს უფრო სანდოს გახდის.

“ჩვენი ამოცანა, რისთვისაც შემოვედით პარლამენტში, პრაქტიკულად შევასრულეთ და შევასრულეთ ძალიან კარგად იმიტომ, რომ როცა არ უნდა ჩატარდეს არჩევნები თვითმმართველობის თუ ვადამდელი, თუ 2024 წლის არჩევნები, ეს არჩევნები იქნება ბევრად უფრო გამჭვირვალე და გასაგები და უკეთეს, ვიდრე აქამდე ყოფილა”, — განაცხადა იოსელიანმა.

ამასთან, მმართველი გუნდის წევრმა, შალვა პაპუაშვილმა ძირითად ცვლილებებზე ისაუბრა:

  • გაიზრდება მუნიციპალიტეტების საკრებულოებში პროპორციული წესით არჩეული წევრების წილი. კერძოდ, თვითმმართველ ქალაქებში — თბილისი, რუსთავი, ქუთაისი, ფოთი, ბათუმი — ყოველ 1 მაჟორიტარ წევრზე იქნება 4 პროპორციული წესით არჩეული წევრი, ხოლო სხვა მუნიციპალიტეტებში ყოველ 1 მაჟორიტარ წევრზე იქნება 2 პროპორციული წესით არჩეული წევრი;
  • საარჩევნო ადმინისტრაციის ცენტრალური და საოლქო დონეები დაკომპლექტდება 8 პროფესიული და 9 პარტიული წევრით პარიტეტის პრინციპის დაცვით, ანუ 1 პარტია 1 წევრი;
  • დაინერგება ამომრჩეველთა ელექტრონული რეგისტრირებისა და საარჩევნო ბიულეტენების ელექტრონული დათვლის სისტემა;
  • აიკრძალება უბნის დოკუმენტაციის დალუქვის შემდეგ საუბნო საარჩევნო კომისიის მიერ შესწორების ოქმის შედგენა;
  • აიკრძალება საოლქო კომისიის მიერ შესწორების ოქმის შედგენა დოკუმენტაციის გახსნის და ბიულეტენების გადათვლის გარეშე; მიუხედავად იმისა, იქნება თუ არა საჩივარი, 73-ვე საარჩევნო ოლქში შემთხვევით შერჩევის პრინციპით გამოვლინდება 5 უბანი, რომელიც გადაითვლება. ჯამში გადაითვლება 365 უბანი, ანუ უბნების საერთო რაოდენობის 10%;
  • გაიზრდება საჩივრების შეტანის და განხილვის ვადები; შესაძლებელი გახდება საჩივრის ელექტრონული ფორმით შეტანა; შესაძლებელი იქნება ცესკო-ს მიერ სამართალდარღვევის ოქმის შედგენაზე უარის გასაჩივრება სასამართლოში.
  • აიკრძალება საარჩევნო უბნიდან 100-მეტრიან რადიუსში ადამიანთა შეკრება და ამომრჩეველთა აღრიცხვა;
  • გაფართოვდება იმ საჯარო მოხელეების წრე, ვისაც ეკრძალება წინასაარჩევნო აგიტაციაში მონაწილეობა;
  • აიკრძალება წინასაარჩევნო აგიტაციისთვის საჯარო მოხელეების სამსახურებრივი ნიშნით შეკრება.

პაპუაშვილის თქმით, მემორანდუმის ერთადერთი საკითხი რომელიც ამ ეტაპზე ღიად რჩება შეეხება საარჩევნო ბარიერს. მმართველ გუნდში ამბობენ, რომ მზად არიან, განიხილონ საარჩევნო ბარიერის დაწევა კონსტიტუციით გათვალისწინებული 5%-დან მაქსიმუმ 3%-მდე. იმ შემთხვევაში, თუ პარლამენტში შევა დეპუტატების ის რაოდენობა (113 დეპუტატი), რომელიც საჭიროა საკონსტიტუციო ცვლილების განსახორციელებლად.

გააზიარეთ და მოიწონეთ სტატია:

მსგავსი სტატიები

  • 83
    ოზურგეთი - მდებარეობა ოზურგეთისა – საიდან დაერქვა ოზურგეთს თავისი სახელი? - თედო სახოკია - „მგზავრის წერილები“ (ჟურნალი „მოამბე“ 1897 წელი)თედო სახოკია - „მგზავრის წერილები“ (ჟურნალი „მოამბე“ 1897 წელი) მესამე თავი ოზურგეთი. - მდებარეობა ოზურგეთისა. – საიდან დაერქვა ოზურგეთს თავისი სახელი? -  ჰავა ოზურგეთისა. - სახლები. - ვაჭრობა და ვაჭრები. - ჩაცმულობა იქაურის ვაჭრისა. – „პარასკეობა“. - მეგრელი მწყემსები გურიაში. - ქალაქის ბაღი, მისი წარსული და აწმყო. - ოზურგეთი, როგორც…
    Tags: და, საზოგადოება
  • 81
    The Washington Post: საქართველოს დემოკრატიამ დიდი ნაბიჯი გადადგა უკანThe Washington Post-ის სარედაქციო საბჭომ საქართველოში მიმდინარე მოვლენებზე გამოაქვეყნა სტატია სახელწოდებით "რუსეთის ერთ-ერთ მეზობელთან დემოკრატია ზღვარზეა და პუტინი კმაყოფილია". სტატიას უცხვლელად გთავაზობთ: 15 წელზე მეტია, რაც რუსეთის მკაცრი წინააღმდეგობის მიუხედავად ყოფილი საბჭოთა საქართველოს რესპუბლიკა სტაბილურად თუ ნელ-ნელა მიდიოდა დემოკრატიისა და დასავლეთთან ინტეგრაციისკენ. ახლა მან დიდი ნაბიჯი გადადგა უკან. სამშაბათს, თბილისში პოლიციამ დაარბია…
    Tags: და, რომ, რომელიც, საზოგადოება
  • 81
    "ერთი ნაბიჯიც და..."- გიორგი თარგამაძეპატარა ბავშვი რომ ფეხის ადგმას იწყებს, მშობლის მიმართულებით ბარბაცით, შიშით, ინტერესით და ხალისით დგამს ნაბიჯებს, ცდილობს არ დაეცეს და წონასწორობა შეინარჩუნოს, წინ კი ხელებგაშლილი მშობელი შფოთვით და სიხარულით ელის, რომ გულში ჩაიკრას, ჩაიხუტოს, ბედნიერების განცდით მიეგებოს... - სწორედ ასეთ მდგომარეობაში ვიყავით 100 წლის წინ ჩვენი ახალფეხადგმული ქვეყანა, და ასე ვართ ახლაც. თუმცა განსხვავება…
    Tags: და, რომ, საზოგადოება
  • 80
    თემირლან მაჩალიკაშვილის ოჯახი ბრძოლას ადამიანის უფლებათა ევროპულ სასამართლოში აგრძელებს – EMC„სახელმწიფო უსაფრთხოების სამსახურის მიერ სოფელ დუისში მაჩალიკაშვილების ოჯახში ჩატარებული სპეცოპერაციიდან 3 წელი გავიდა, თუმცა ეროვნული სამართლებრივი სისტემის შიგნით თემირლან მაჩალიკაშვილის სიცოცხლის ხელყოფის უმძიმეს და სასტიკ საქმეზე სამართლიანი მართლმსაჯულების განხორციელების მიზანი ვერ მიიღწევა,- ამის შესახებ განცხადებას ადამიანის უფლებების სწავლებისა და მონიტორინგის ცენტრი (EMC) ავრცელებს. როგორც ორგანიზაციაში აცხადებენ, გამოძიების პირველ ეტაპზევე გამოიკვეთა,…
    Tags: და, საზოგადოება