საგანგაშო სტატისტიკა – საქართველოში 10 404 მოზარდი განათლებას ვერ იღებს

10 404 მოზარდი რომელიც განათლების გარეშეა დარჩენილი – საქართველოს განათლების, მეცნიერების, სპორტისა და კულტურის სამინისტროს ინფორმაციით, შეიქმნა „სკოლის მიღმა დარჩენილი მოზარდების იდენტიფიცირების მონიტორინგის სახელმწიფო პროგრამა“ და გამოვლინდა, რომ ქვეყანაში, 6-დან 16 წლამდე 10 404 მოზარდს არ აქვს საგანმანათლებლო ისტორია და არ არიან მოსწავლეთა ბაზაში.

სამინისტრომ, UNICEF-ისა და ბულგარეთის მთავრობის მხარდაჭერით, შეიმუშავა სპეციალური შეკუმშული სასწავლო გეგმა, რომელიც განათლების მიღმა დარჩენილ მოსწავლეებს შესაბამის საგანმანათლებლო გარემოს შესთავაზებს. ამ ეტაპზე ახალი კურიკულუმის პილოტირების პროცესი მიმდინარეობს სპეციალურად შერჩეულ საჯარო სკოლებში.

შემდეგ ეტაპზე დაგეგმილია იდენტიფიცირებული მოზარდების მშობლებთან, მეურვეებთან ან კანონიერ წარმომადგენლებთან კომუნიკაცია და ინდივიდუალური შემთხვევების განხილვის შედეგად მოზარდების ჩართვა ფორმალურ განათლებაში ან მათთვის სპეციალური საგანმანათლებლო სერვისების შეთავაზება – აცხადებს სამინისტრო.

გააზიარეთ და მოიწონეთ სტატია:

მსგავსი სტატიები:

“დეკანოზი ბასილი მხილებულია „გარყვნილი შინაარსის მიმოწერაში”- ანდრია ჯაღმაიძე ” ქვეყანა გაკოტრებული, რადარებიდან გამქრალი, ხალხი გაღატაკებული”.. მსოფლიოში კორონავირუსით დაინფიცირებულთა რაოდენობის მკვეთრი ზრდა ფიქსირდება ქორწინების რეგისტრაციის საზეიმო ცერემონიალით ჩატარება დასაშვები ხდება რატომ არ იმოძრავებს ოთხშაბათობით თბილისი-ოზურგეთის მატარებელი? რას წერდა გაზეთი დროება (1872) გურულების სიფიცხეზე საპენსიო სააგენტო დაგროვებითი და სოციალური პენსიას შორის მსგავსებისა და განსხვავების შესახებ ინფორმაციას ავრცელებს “ფიქრმა წერა დამაძალა თელავზე, კახეთზე”