“ჩვენმა ევროპელმა პარტნიორებმა შოკი მიიღეს, არ გაატარებენ”

როდესაც მეორე მხარეს არა სახელმწიფოებრივად მოაზროვნე რომელიმე პოლიტიკური ძალის წარმომადგენელი, არამედ რუსი ოლიგარქის აზროვნების ტიპაჟი ზის, იქ პოლიტიკური მოლაპარაკებები სხვა სიბრტყეში გადადის, – ამის შესახებ “ნაციონალური მოძრაობის” ერთ-ერთმა ლიდერმ სალომე სამადაშვილმა “ტვ პირველის” ეთერში განაცხადა.

მისი თქმით, ევროპელმა პარტნიორებმა ამით შოკი მიიღეს, თუმცა ამბობს, რომ დანიელსონი შვედი დიპლომატია, რომლის ქვეყანაც ამ რეგიონში პოლიტიკურ კრახს არ დაუშვებს, რადგან ის არის აღმოსავლეთ პარტნიორობის დამფუძნებელი.

“როდესაც ერთ მხარეს სხედან პოლიტიკოსები ოპოზიციიდან, რომელიც შეიძლება ვიღაცას მეტად მოსწონს ან ნაკლებად, მაგრამ ჩვენ წარმოვადგენთ ამომრჩევლის მიერ მხარდაჭერილი პარტეიბის პოზიციებს. მეორე მხარეს კი ზის არა სახელმწიფოებრივად მოაზროვნე რომელიმე პოლიტიკური ძალის წარმომადგენელი, არამედ რუსი ოლიგარქის აზროვნების ტიპაჟი. როდესაც ასეთი წარმომადგენლები სხედან და გელაპარაკებიან, იქ პოლიტიკური მოლაპარაკებები სხვა სიბრტყეში გადადის. მე დარწმუნებული ვარ, რომ ეს კარგად დაინახეს ჩვენმა ევროპელმა პარტნიორებმა და ამიტომ მიიღეს მათ განსაკუთრებული შოკი”, – განაცხადა სალომე სამადაშვილმა.

კითხვაზე, ხომ არ ჰქონია გუშინდელის შემდეგ კომუნიკაცია ვინმესთან? – სამადაშვილი ასე პასუხობს:

“დანიელსონთან არ მქონია კომუნიკაცია, მაგრამ მთელი დღე მირეკავენ ბრიუსელიდან, ევროპარლამენტის სხვადასხვა წევრები, ხალხი ვინც დაინტერესებულია. იმიტომ, რომ ძალიან დიდი ყურადღებაა ამ პროცესის მიმართ. იმიტომ, რომ ეს პროცესი აუცილებლად გაგრძელდება. ბატონი დანეილსონი არის შვედი დიპლომატი. შვედეთი და მათ შორის მისი ახლო მეგობარი ბატონი კარლ ბილდტი არის დამფუძნებელი ევროკავშირის პოლიტიკის, რომელიც ჩვენს რეგიონს შეეხება – აღმოსავლეთ პარტნიორობა. ამიტომ აქ ამ პოლიტიკის კრახს არავინ არ გაატარებს, განსაკუთრებით შვედეთი, რომელსაც პოლიტიკური კაპიტალი აქვს ჩადებული ამ პროექტში ჩადებული”, – განაცხადა სალომე სამადაშვილმა.

გააზიარეთ და მოიწონეთ სტატია:

მსგავსი სტატიები:

პარლამენტში შესვლის სანაცვლოდ “ოცნებამ” ფული შემომთავაზა- თაკო ჩარკვიანი ” ქვეყანა გაკოტრებული, რადარებიდან გამქრალი, ხალხი გაღატაკებული”.. როგორ შეიძლება მიხეილ სააკაშვილს არ შეეძლოს საკუთარ ქვეყანაში იყოს და თავის პარტიასთან ერთად იბრძოლოს – ბარამიძე ღარიბაშვილი: “ოპოზიციას დღეს დარჩა სულ რაღაც ორი არჩევანი” რა არის ფილერი და ახდენს თუ არა უკუჩვენებას ვაქცინაციისას “წარმოგიდგენიათ ივანაშვილის და სააკაშვილის მოლაპარაკება საქართველოს მომავლის თაობაზე”? სამადაშვილი: დარწმუნებული ვარ, რომ არსებობს შეთანხმების შესაძლებლობა “ნაციონალური მოძრაობა” ამ ეტაპზე ძლიერი მოთამაშეა, “ოცნების” რეიტინგი უკიდურესად შემცირებულია