„საქართველოში კრიტიკული მედიის წარმომადგენლებისთვის მუშაობა საშიში ხდება“

„საგანგაშო ტენდენციის სახე მიიღო მედიის წარმომადგენლებზე და, ამ შემთხვევაში, ტელეკომპანია „ფორმულას“ თანამშრომლებზე თავდასხმის ფაქტებმა. მოვუწოდებთ ხელისუფლებას და სამართალდამცავ ორგანოებს იმოქმედონ კანონის ფარგლებში, სასწრაფოდ გამოიძიონ აღნიშნული ინციდენტები და საზოგადოებას დროულად აცნობონ გამოძიების შედეგები,“ – ამის შესახებ „გამჭვირვალობა საქართველოს“ მიერ დღეს, 10 აპრილს, გავრცელებულ განცხადებაშია ნათქვამი.

„ტელეკომპანია „ფორმულას“ განცხადებით, 9 აპრილს, ორ ინციდენტს ჰქონდა ადგილი. ღამის სამ საათზე, კომენდანტის საათის დროს დააზიანეს ტელევიზიის მძღოლის ავტომობილი, რომელზეც მაუწყებლის ლოგო იყო განთავსებული. ჩამსხვრეულია მანქანის მინები, თუმცა ავტომობილიდან ნივთები არ არის მოპარული. მეორე ინციდენტის შემთხვევაში კი ნაცემია ასევე „ფორმულას“ მძღოლი, რომელსაც ფიზიკური დაზიანებები  აღენიშნება.

ეს არ არის პირველი შემთხვევა ტელეკომპანია „ფორმულას“ თანამშრომლებზე თავდასხმისა. მიმდინარე წლის 25 თებერვალს თავს დაესხნენ და ფიზიკურად გაუსწორდნენ ტელეწამყვან ვახო სანაიას, რომელიც ამ ფაქტს, მის ჟურნალისტურ საქმიანობას უკავშირებს.

ტელეკომპანია „ფორმულასთან“ დაკავშირებული მორიგი ინციდენტები ნათლად აჩვენებს, თუ რამდენად რთული და საშიში გახდა მედიისათვის მუშაობა ქვეყანაში არსებული მკვეთრი პოლიტიკური პოლარიზაციის პირობებში. ფაქტია, რომ ხელისუფლება ვერ ახერხებს კრიტიკული მედიის წარმომადგენლებისათვის უსაფრთხო სამუშაო გარემოს შექმნას. მმართველი პარტიის აგრესიული რიტორიკა კრიტიკული აზრის მიმართ, პროოპოზიციური მედიის მფლობელებისა თუ მენეჯერების წინააღმდეგ პოლიტიკურად მოტივირებული საქმეები, ჟურნალისტურ საქმიანობაში უკანონო ჩარევის თუ თავდასხმის გამოუძიებელი ფაქტები, ცალსახად ახალისებს ქვეყანაში ძალადობას მედიის წარმომადგენლების და ზოგადად, განსხვავებული აზრის მქონე ადამიანების მიმართ.

მოვუწოდებთ ხელისუფლებას დროულად გამოიძიონ მედიის თანამშრომლების წინააღმდეგ მიმართული მორიგი ინციდენტები. მნიშვნელოვანია, რომ მმართველმა პარტიამ რადიკალურად შეცვალოს საკუთარი დამოკიდებულება განსხვავებული აზრის და ზოგადად კრიტიკული მედიის მიმართ,“ – აღნიშუნულია განცხადებაში.

შეგახსენებთ: გუშინ, 9 აპრილს, ცნობილი გახდა, რომ ტვ „ფორმულას“ ორ თანაშრომელს თავს დაესხნენ და ერთ შემთხვევაში, ფიზიკური შეურაცხყოფა მიაყენეს, მეორე შემთხვევაში კი – ავტომანქანის შუშები ჩაუმსხვრიეს. ამასთან, რამდენიმე კვირის წინ თავდასხმა მოხდა ვახო სანაიაზე.

გააზიარეთ და მოიწონეთ სტატია:

მსგავსი სტატიები:

ვინ არის პირველი ოპოზიციონერი დეპუტატი რომელიც პარლამენტში შედის თუ არ გვეხმარებით, ხელს მაინც ნუ შეგვიშლით – გახარია ოპოზიციას  “ოცნება” არის რუსეთი, მორჩა და გათავდა”- ნიკა გვარამია ვიდეო: “ნაციონალებმა” ოზურგეთის მერს შეუტიეს დანიელსონი არასამთავრობო ორგანიზაციების წარმომადგენლებს ხვდება „გირჩი” პარტიის სიიდან ყველა ქალი კანდიდატის ჩახსნას გეგმავს ელისაშვილი: ყოველი ძილის წინ ვარ კრწანისის ბრძოლაში “წულუკიანს მინდა ვუპასუხო, პოლიტიკური ლეშია, ჩვენზე თქვა ლეშიჭამიაო, ქალბატონო წულუკიანო, ისე მოგიწევთ წასვლა, მაღლა მზე იქნება”