“ის თანხა ჩვენთვის რომ დაენიშნათ, რასაც მიმღებ ოჯახებს აძლევენ, შვილები სახლში მეყოლებოდა და ანრიც ცოცხალი იქნებოდა”

როგორც გარდაცვლილი ბიჭის დედა ‘ნანუკას შოუში” ჰყვება, სოციალური სამსახურის პრეტენზიები თავიდანვე საცხოვრებელი სახლს ეხებოდა: “თავიდან იყო საუბარი იმაზე, რომ თითქოს აქ არ იყო ჰიგიენა, ვერ ვიცავდით ბავშვების სისუფთავეს, არ იყო მოწყობილი ისე, რომ აქ ბავშვებისთვის საჭირო გარემო შეგვექმნა. ყველამ იცის, რომ მე სიბინძურე არასდროს მქონია სახლში. მომაწერინეს ხელი, რომ 18 წლამდე ბავშვებს სახლში ვერ დაიბრუნებ. რამდენჯერ ჩავედით მე და ჩემი მეუღლე სოციალურში, დავწერეთ განცხადება, გვქონდა სერიოზული კამათიც, რომ ბავშვები ჩემთვის დაებრუნებინათ, მაგრამ არავინ ჩვენს მოთხოვნას არ ითვალისწინებს. ახლა ამბობენ, რომ მეუღლემ უნდა იპოვოს სამსახური და მერე ვნახოთო.ჩვენთვის რომ ის თანხა მოეცათ, რასაც მიმღებ ოჯახებს უხდიან, ჩემს შვილებს მე უპრობლემოდ ვაცხოვრებდი და ანრიც ცოცხალი მეყოლებოდა.

მას ძალიან უნდოდა სახლში დაბრუნება.

კარგ ოჯახში იზრდებოდა და მე ამაზე არაფერი პრეტენზია არ მაქვს. ყოველთვის აძლევდა უფლებას ჩემთან მოსულიყო.

მეუბნებოდა-ანრი შენთან რომ მოდიოდა, ია მეუბნებოდა-თამრო, ნაღვლიანი თვალებით რომ შემომხედავდა, ვიცოდი შენთან წამოსვლა უნდოდაო და არ იცი რა სიხარულით გამორბოდა სახლისკენო”-ჰყვება გარდაცვლილის დედა.