“თქვენ ხართ ნაგავი” – ხაინდრავა ჟურნალისტებს

(ტაბულა) რეჟისორი გოგა ხაინდრავამ ჟურნალისტებს სიტყვიერი შეურაცხყოფა მიაყენა. კახა კალაძის წარდგენიდან გამოსულმა ხაინდრავამ მედიის წარმომადგენლებს არაერთხელ უწოდა “ნაგავი” და “სამარცხვინო”.

“თქვენა ხართ სამარცხვინო ხალხი, თქვენა ხართ ამ ქვეყნის ლაქა, ჩამოყალიბებული ნაძირალები ხართ, ყარხართ, სიცრუით ყარხართ, უნამუსობით ყარხართ, უნამუსობით ყარხართ, თქვენ ძალადობთ ხალხზე, თქვენ ჟურნალისტები არ ხართ, თქვენ ხართ ნაგავი და ყარხართ, თქვენ ხართ სამარცხვინოები” – მიმართავდა ხაინდრავა მედიას.

ამასთან, თბილისის მერობის კანდიდატად წარდგენისას კახა კალაძემ ჟურნალისტებს მიმართა და თქვა, რომ 5 ივლისის ძალადობა სამარცხვინოა, თუმცა, არანაკლები ბოროტებაა ფსიქოლოგიური ძალადობა, “რომელსაც ხშირად ვისმენთ სხვადასხვა ტელევიზიიდან”.

გააზიარეთ და მოიწონეთ სტატია:
Pin Share