საქართველოს რეგიონებში ნედლი თხილის რეალიზაცია უკვე დაიწყო. 1 კგ პროდუქტის ფასი ამ ეტაპზე 3-3,50 ლარია, რაც ,,ჯორჯიან პროდაქტს რენესანსის“ თანადამფუძნებლის თქმით, უპრეცენდენტოდ მაღალია.
ლევან სალუქვაძე ,,ბიზნესპრესნიუსთან“ ამბობს, რომ აგვისტოში შესყიდვები ამ ფასით გაგრძელდება, რადგან თხილის ყველაზე დიდ მწარმოებელს, თურქეთს თხილის ფასი ჯერ კიდევ არ განუსაზღვრავს.
,,ჯერ კიდევ რთულია საუბარი იმაზე, როგორი იქნება წელს თხილის ფასი, რადგან ყველაზე დიდ მწარმოებელს, თურქეთს ფასი ამ დრომდე არ დაუდგენია. ახლა, ქართულ ბაზარზე სველი თხილის ფასი 3 ლარიდან 3.5 ლარამდე მერყეობს, რაც მშრალ თხილზე გადაანგარიშებით, 6 ლარი გამოდის და სეზონის დასაწყისისთვის ასეთი მაღალი ფასი აქამდე არასოდეს ყოფილა. გასულ წელს, მშრალი თხილის ფასი 5-დან 5.50 ლარამდე მერყეობდა. გამოდის, რომ ღირებულება მინიმუმ 50 თეთრით არის გაზრდილი.
ახლა, ყველაფერი დამოკიდებულია მყიდველის მზაობაზე და შეკვეთებზე. ამ ეტაპზე ევროპის ბაზრიდან შემსყიდველები მასობრივად იკავებენ თავს, რადგან თურქეთს ფასი არ აქვს განსაზღვრული. სავარაუდოდ, აგვისტოში შესყიდვები ამ ფასით გაგრძელდება, სანამ თურქეთი იტყვის თავის ფასს“, -განაცხადა ლევან ბოლქვაძემ ,,ბიზნესპრესნიუსთან“.
ცნობისთვის, სოფლის მეურნეობის სამინისტროს მონაცემებით, გასულ წელს საქართველოდან თხილის ექსპორტი 49%-ით გაიზარდა. საქართველოს თხილის მწარმოებელთა ასოციაციის მონაცემებით კი, 2020 წელს თხილის მოსავალმა 50 ათასი, ხოლო 2019 წელს 35 ათასი ტონა შეადგინა. წელს კი თხილის მწარმოებელთა ასოციაციის ინფორმაციით, 10-15%-ით მეტ მოსავალს ელიან.
მსგავსი სტატიები:
“სინათლეში იბადებიან გმირები”
უბედური შემთხვევა ლანჩხუთში–60 წლამდე ქალს მატარებელი დაეჯახა
II ქვეითი ბრიგადის 23-ე ბატალიონის სამხედროები Oxford/AstraZeneca-ს ვაქცინით აიცრნენ
“პოლიციელთა ღირსების საქმე” და ნაცემი ბრალდებულები – დეტალები ურეკში მომხდარ ინციდენტზე
ურეკში დაკავებულების ახლობლები აქციას მართავენ
მილიონი დოზა Sinopharm-ისა და Sinovac-ის ვაქცინა საქართველოში- როდის დაიწყება მასობრივი იმუნიზაცია
ივლისიდან მოსახლეობის მასობრივი ვაქცინაცია დაიწყება – ტიკარაძე
9 ცვლილება და რეგულაცია, რაც დღეიდან ამოქმედდება ქვეყანაში