“ქართული ოცნების” რღვევა ოზურგეთში გრძელდება.
ირკვევა, რომ მმართველ გუნდს ზონის უფროსები, კოორდინატორები და მხარდამჭერები უკვე ტოვებენ და გახარიას გუნდში ინაცვლებენ.
ჩვენი წყაროს თქმით, ოცნება უკვე დატოვა “ოცნების” ერთ-ერთმა აქტიურმა მხარდამჭერმა და ზონის უფროსმა ირაკლი ჩხაიძემ.
მმართველ გუნდთან მუშაობაზე უარი თქვა დავით ქარჩილაძემ, (მეტსახელად “ბოცა”), რომელიც ასევე ზონის უფროსის თანამდებობას იკავებდა.
აღნიშნულ ინფორმაციას არ ადასტურებენ “ოცნების” რაიონულ ორგანიზაციაში.
პარტიის აღმასრულებელი მდივანი, ბესო მელუა ამბობს, რომ ეს ინფორმაცია სიმართლეს არ შეესაბამება და პარტია არავის დაუტოვებია.
თუმცა, ორივე მათგანი ამ ინფორმაციას არ მალავს და როგორც ჩხაიძე, ისე ქარჩილაძე გახარიას გუნდთან ღიად მოძრაობს.
ამ თემაზე კომენტარს არც პარტია “საქართველოსთვის” წარმომადგენლები აკეთებენ.
პარტიის პრესსამსახურში “გურიის მოამბეს” უთხრეს, რომ კომენტარები მას შემდეგ გაკეთდება, რაც პარტია ოზურგეთში ოფიციალურად დაფუძნდება.
ჩვენი ინფორმაციით გახარია ოზურგეთში სტუმრობას და პარტიის ოფისის გახსნას უახლოეს დღეებში გეგმავს.
მსგავსი სტატიები:
გურიის გუბერნატორი ზურაბ ნასარაია მოსახლეობას დამდეგ შობა-ახალ წელს ულოცავს
ჩოხატაურში რელიგიურ ნიადაგზე დაპირისპირება მოხდა
სისხლისღვრამდე მისული სოფელი- გურიის გუბერნატორმა მოსახლეობასთან შესახვედრად ვერ მოიცალა
ამ წუთებში აქციის მონაწილეებსა და ადგილობრივ ხელისუფლებას შორის მოლაპარაკებები მიმდინარეობს
“გზის შეკეთება დაიწყეს, მაგრამ თანხა ხომ ზედმეტად იხარჯება”?-სანამ სატვირთოები ნებაზე მიშვებულია
“ასეა ბიძია, ვინც ფულს იხდის, ხალხიც მის გვერდით დგას” -ვინ შეუერთდა ოზურგეთიდან “უცნობის” აქციას?
ექსკლუზივი: “ქართულმა ოცნებამ” ოზურგეთის მერობის კანდიდატი შეარჩია _ ვისზე შეაჩერა არჩევანი მმართველმა გუნდმა
გურიის მოამბის ექსკლუზივები, რომლებიც ირაკლი კობახიძემ რამდენიმე წამის წინ დაადასტურა – კანდიდატების ვინაობა ცნობილია