“მთავარი არხის” ინფორმაციით, მუხიანის ტყე, ტყის ფონდიდან ცოტა ხნის წინ, იქ დაწყებული სამშენებლო სამუშაოების გამო ამოიღეს. სამშენებლო ობიექტის მიმართ ინტერესი ჰქონდათ, ძმებ ზვიადაურებსა და მათთან დაპირისპირებულ მუშებს. ტერიტორიაზე დაპირისპირებას არაერთხელ ჰქონდა ადგილი, ინფორმაციას “მთავარ არხთან” თვითმხილველებიც ადასტურებენ.
რაც შეეხება გუშინ, 16 აგვისტოს მომხდარ მკვლელობას, ირკვევა, რომ ზვიადაურებთან დაპირისპირებული მუშები ტერიტორიაზე ერთ-ერთის დაბადების დღეს აღნიშნავდნენ, რა დროსაც ძმები ზვიადაურები და მათი მეგობარი, ადგილზე მივიდნენ და მუშებს ტერიტორიის დატოვება მოსთხოვეს. სწორედ ამას მოყვა ადგილზე ჯერ ურთიერთშელაპარაკება, შემდეგ კი ცეცხლსასროლი იარაღით დაპირისპირება.
ცეცხლი თავდაპირველად მუშების მიმართულებით, ზვიადაურების მეგობარმა, ვასილ ცეცხლაშვილმა გახსნა, რასაც დაპირისპირებული მხარის, ნიკა კენჭოშვილის მხრიდან საპასუხო გასროლა მოჰყვა. კენჭოშვილის გასროლის შედეგად 2 პირი გარდაიცვალა, ორი კი დაიჭრა, გარდაცვლილებს შორის იყო ზურაბ ზვიადაურის ძმაც. ამის შემდეგ, ნიკა კენჭოშვილის მიმართულებით ცეცხლი გახსნა ზურაბ ზვიადაურმა.
ადგილობრივების თქმით, სროლის ხმა ადგილზე დაახლოებით ნახევარი საათის განმავლობაში ისმოდა.
დაპირისპირების შემდეგ, ზურაბ ზვიადაურმა დაჭრილ პირები მანქანაში თავად ჩასვა და თელავის რეფერალურ საავადმყოფოში გადაიყვანა, თავად კი პოლიციას ჩაბარდა.
მსგავსი სტატიები:
“კობახიძემ ყველა ჩამოიშორა და იმყარებს ძალაუფლებას”
ლანჩხუთის გურიას ახალი მწვრთნელი ჰყავს
გომელაური ესებუაზე: “შეიძლება 10 წელი გავიდეს და მერე დააკავონ, არა მე, არამედ შეიძლება ჩემ შემდეგ მეორე ან მეოთხე მინისტრმა”
“ბატონმა ბიძინამ იმდენი სიკეთე გააკეთა ქვეყნისთვის…უდიდესი ავტორიტეტი აქვს”
მამაკაცმა მამა და მისი ქალიშვილი ადგილზე მოკლა, დედა და კიდევ ერთი შვილი კი მძიმედ არიან დაჭრილები
გამყრელიძე: “არ შეიძლება 5, 10-ათასკაციანი კონცერტები, ქვეყანაში ეპიდემიის ცეცხლი გიზგიზებს”
კლასიკური აფექტია, ეტყობა აიცრა და ბლუთუზმა დაიჭირა – გია ხუხაშვილი წულუკიანზე
“წითელი” სია | ისრაელი საკუთარ მოქალაქეებს საქართველოში მოგზაურობას უკრძალავს