“ალერგიები არანაირ კავშირში არ არის COVID საწინააღმდეგო ვაქცინასთან”

ბიძინა კულუმბეგოვი “მთავარი არხის” ეთერში გადაცემაში “ღამის მთავარი” აცხადებს:

“ნებისმიერი წამლის, რომელსაც ჩვენ ვიყენებთ მედიცინაში, შეიძლება განვითარდეს ალერგიული რეაქცია. აქ არაფერი უცხო არ არის. თუ 1 მილიონი ადამიანი გაიკეთებს პენიცილინის ტიპის ანტიბიოტიკს, 400-დან 500-მდე შემთხვევაში შესაძლოა განვითარდეს ანაფილაქსიური რეაქცია. 1 მილიონი ადამიანი თუ გაიკეთებს COVID საწინააღმდეგო ვაქცინას, მაგალითად Pfizer-ს, ეს რისკი შეიძლება იყოს 4-დან 5 ადამიანამდე. “სინოვაკისა” და “სინოფარმის” შემთხვევაში კი მსგავსი რეაქცია მხოლოდ 1 შეიძლება იყოს… კიდევ ერთხელ ვამბობ, ალერგია ნებისმიერი სახის, კანის, სასუნთქი გზების, ასთმა, მედიკამენტური, მსგავსი ალერგიები არანაირ კავშირში არ არის COVID საწინააღმდეგო ვაქცინასთან”,  ამბობს ბიძინა კულუმბეგოვი.

ის ასევე ექიმებს მოუწოდებს, რომ ალერგიის მიზეზით მოქალაქეებს ვაქცინაციაზე უარი არ უთხრან.

გააზიარეთ და მოიწონეთ სტატია: