„ნაციონალური მოძრაობის“ თბილისის მერობის კანდიდატმა ნიკა მელიამ საქართველოს პირველი არხის ეთერში დედაქალაქის მერობის კანდიდატების დებატები პროტესტის ნიშნად დატოვა.
დებატებში, სადაც დედაქალაქის მერობის 16 კანდიდატია წარმოდგენილი, ნიკა მელიამ თბილისის „ქართული ოცნების“ მერობის კანდიდატს კორუმპირებული და კრიმინალების მფარველი უწოდა.
სტუდიის დატოვების მიზეზად მელიამ დაასახელა ის, რომ ერთ სივრცეში ყოფნას არ აპირებდა „მოძალადე, კორუმპირებულ, ძირგამომპალ ადამიანთან, რომელიც მართავს კრიმინალებს“.
ამასთან, მაშინ, როდესაც მელია მიმართავდა კახა კალაძეს და „ქართულ ოცნებას“ წარმოადგინა ფოტო, რომელზეც დმანისში მომხდარი დაპირისპირებისას დაშავებული ადამიანი იყო გამოსახული.
„რატომ მოვედი და რატომ ვიღებ მონაწილეობას ამ ფორმატში, ფორმატი, რომელიც არანაირად არ უწყობს ხელს რეალური დებატების გამართვას და ამაში, სამწუხაროდ ჩვენი მაყურებელიც დარწმუნდება, მაგრამ სიმართლეს გეტყვით- მოვედი აქ, პირველ რიგი, იმისთვის, რომ „ქართული ოცნების“ გენერალურ მდივანს პირადად ვუთხრა, თუ რა ამორალურად მოძალადე და კორუმპირებული ადამიანები არიან დღეს ხელისუფლებაში. მოვედი იმისათვის, რომ ვუთხრა, ეს ადამიანები არაფერს თაკილობენ, ძალადობენ მშვიდობიან მოქალაქეებზე, ძალადობენ დღისით, მზისით. ეს ადამიანები და ეს ბატონი, რომელიც აქ არის წარმოდგენილი უსაზღვროდ კორუმპირებული ადამიანია, კრიმინალების მფარველი და დამსაქმებელი, აი, ამას სჩადის. დღეს დმანისში, ყველამ კარგად ვიცით რა გააკეთეს. ამიტომ, ეს არის ადამიანი, რომელიც უნდა დამარცხდეს არა რომელიმე პოლიტიკური პარტიის მიერ, არამედ ქართველი ხალხის მიერ და დამარცხდება, იმიტომ, რომ ეს ადამიანი არის მოძალადე, მე ვარ გულწრფელი და რასაც ვგულისხმობ იმას ვსაუბრობ. პატივს ვცემ ყველა კანდიდატის ამომრჩეველს, მაგრამ ერთ სივრცეში მოძალადე, კორუმპირებულ, ძირგამომპალ ადამიანთან, რომელიც მართავს კრიმინალებს, მე არ ვაპირებ ყოფნას. ესეც ასე, კარგად ბრძანდებოდეთ, დიდი მადლობა“, – განაცხადა მელიამ.
მაშინ, როდესაც ნიკა მელია დებატების სტუდიას ტოვებდა „ქართული ოცნების“ თბილისის მერობის კანდიდატმა კახა კალაძემ რეპლიკის სახით მელიას უთხრა, რომ სტუდიიდან ისე გავიდეს, რომ მიკროფონი დატოვოს.
„სულ კარგად ბრძანდებოდეთ. მიდი, მიდი. მიკროფონი დაგვიტოვე და ისე გადი“, – აღნიშნა კახა კალაძემ.
მსგავსი სტატიები:
“საცოდავი ხალხია, სიბანძეა რა, ცოტა ვულგარულად რომ ვთქვა, ტეხავს”-სააკაშვილი ოლიგარქებზე
მიმდინარეობს პოლიციის კორდონის გაძლიერება “ვინოტელთან”
მდინარაძე: „ნაცაქტივისტებს” არც პოზნერი ადარდებთ, არც აფხაზეთი, არც სამაჩაბლო”
მიხეილ სააკაშვილი- თქვე საცოდავებო, რამდენი უნდა მომეზომოთ მე?
რიონის ხეობაში მობილიზებულია სპეცრაზმი და შეყვანილია წყლის ჭავლის მანქანა
“ეს კანონპროექტი [პარტიების დაფინანსებაზე] არის პოლიტიკური მუქთახორობის წინააღმდეგ”
“რეჟისორი გამოდის სცენაზე და ჩავარდნილ პრემიერაზე გვიმტკიცებს, რომ არა, იცოდეთ, რომ ეს გახარია არ არის ჩემი პროექტი” -მარგველაშვილი ივანიშვილ/გახარიაზე
ბატონ ბიძინას ნამცხვრები მოვუტანეთ… მისგან ველოდებით ჩაის, რომ დავულიოთ – ნიკა გვარამია