ვერ მოხდა მათი ინტერესების რეალიზაცია, მაშინ როდესაც ცესკოსთან ცდილობდნენ ფიზიკურ დაპირისპირებაში შესულიყვნენ პოლიციასთან. რასაკვირველია, სისხლის დაღვრა კვლავ დღის წესრიგში რჩება, – ამის შესახებ პარლამენტის თავმჯდომარის მოადგილემ, „ქართული ოცნების“ დიდუბე-ჩუღურეთის მაჟორიტარობის კანდიდატმა, გიორგი ვოლსკიმ გაერთიანებული ოპოზიციის გეგმებზე საუბრისას განაცხადა.
მისი თქმით, ოპოზიციის ინტერესი მდგომარეობს იმაში, რომ საზოგადოების გარკვეული ნაწილი ერთმანეთს ფიზიკურად დაუპირისპირდეს.
„უკვე ფაქტია და არავისთვის დასამალი არ არის, რომ ორი მთავარი ამოცანა აქვთ ოპონენტებს, როდესაც მცირერიცხოვანი ჯგუფებით ცდილობენ მაღალი ხმაურის მიღწევას და ამ ხმაურში, რა საკვირველია იგულისხმება სამართალდამცველების ბულინგი. ვერ მოხდა მათი ინტერესების რეალიზაცია, როდესაც ცესკოსთან ცდილობდნენ ფიზიკურ დაპირისპირებაში შესულიყვნენ პოლიციასთან. რასაკვირველია, სისხლის დაღვრა კვლავ დღის წესრიგში რჩება. წყლის ჭავლის გამოყენებამ, მართალია, არც ეს არის სასიამოვნო ფორმა, მაგრამ ფაქტობრივად ამან მათი გეგმები ჩაშალა. ახლა მიდის ზეწოლა, სახლში მივარდნით მუქარა და ვინაიდან ამ დესტრუქციაში ჩართული ხალხის რაოდენობა ნაკლებია, რა თქმა უნდა, განცხადებების აგრესიულობა მოიმატებს, მათ შორის სახალხო დაპირისპირების თემაც დღის წესრიგში დადგა. რასაკვირველია, ინტერესი მდგომარეობს ერთში, რომ საზოგადოების გარკვეული ნაწილი ერთმანეთს ფიზიკურად დაუპირისპირდეს. ვფიქრობ, ამ გეგმას სისრულეში მოყვანა არ უწერია, რადგან მათ ამომრჩეველშიც არის ბევრი ადამიანი, ვინც სწორად ფიქრობს“, – განაცხადა გიორგი ვოლსკიმ.
მსგავსი სტატიები:
ომბუდსმენი: წლების განმავლობაში რელიგიურ დაპირისპირებებს სამართლებრივი შედეგი არ მოჰყოლია
მოქალაქეების მიზნობრივ სოციალურ დახმარებაზე გიორგი გახარიამ ისაუბრა
TI: გურიის ყოფილმა გუბერნატორმა რწმუნებულებს შორის, ყველაზე მეტი საწვავი დახარჯა
“ოცნების” ამომრჩეველს “ნაცმოძრაობა” დემონებად მიაჩნიათ და პირიქით”
“კვირიკაშვილი თუ უარყოფს ჩემს საქმეზე ბრძანების გაცემას ე.ი. ის არც ყოფილა პრემიერი მაშინ”
„საქართველოში კრიტიკული მედიის წარმომადგენლებისთვის მუშაობა საშიში ხდება“
მიშელის დოკუმენტი არა, კვახი! მთლად ტრი-ტრია ახლა პირველი კაცი და ადარდებს მიშელი და მისი დოკუმენტი? – ინგა გრიგოლია
ნათელაშვილი: ყველაზე დიდ გულისტკივილს ე.წ. ოპოზიციის ქცევა იწვევს