ძმები – ალექსი, შოთა და ყაისარი ერთ – ერთი თვალსაჩინო წარმომადგენლები იყვნენ გურულ მომღერალთა შორის. ისინი კარგად ფლობდნენ გურულ ფოლკლორულ, თუ სახასიათო სიმღერებს.
![✍️](https://static.xx.fbcdn.net/images/emoji.php/v9/te2/1/16/270d.png)
მე ხშირად მინახავს და მომისმენია მათი გამოსვლები ოზურგეთის თეატრის სცენასა, თუ სხვადასხვა შეხვედრებზე.
![🎶](https://static.xx.fbcdn.net/images/emoji.php/v9/t1f/1/16/1f3b6.png)
ძმები მამულაიშვილების ტრიო განსხვავდებოდა სხვებისგან თუნდაც მანერით, თუნდაც იმიტომ, რომ მათ გავლილი ჰქონდათ ცნობილი მომღერლის და ლოტბარის ვარლამ სიმონიშვილის სკოლა. ისინი სოფელ შემოქმედიდან იყვნენ.
![👤](https://static.xx.fbcdn.net/images/emoji.php/v9/ta/1/16/1f464.png)
უფროსი ძმა ალექსი 1924 წელს დაიბადა, გარდაიცვალა 2012 წელს. იგი ვარლამის გუნდის წევრი იყო და სწორედ მან შთააგონა ძმებს გურული სიმღერების ვარლამისებური მანერა და გემოვნება.
![👤](https://static.xx.fbcdn.net/images/emoji.php/v9/ta/1/16/1f464.png)
შოთა 1926 წელს დაიბადა, გარდაიცვალა 2006 წელს. იგი გურულ სიმღერას კარგად უთავსებდა პარტიულ საქმიანობას. ძმებთან ერთად სიამოვნებას ანიჭებდა მსმენელებს.
![👤](https://static.xx.fbcdn.net/images/emoji.php/v9/ta/1/16/1f464.png)
ყაისარ მამულაიშვილი 1928 წელს დაიბადა, გარდაიცვალა 2006 წელს. ის სოფელ შემოქმედში მუშაობდა ფერმის გამგედ. რატომღაც მეჩვენებოდა, რომ ყაისარი თავკაცი იყო ძმებს შორის, სიმღერის დროს.
![✍️](https://static.xx.fbcdn.net/images/emoji.php/v9/te2/1/16/270d.png)
საერთოდ, მინდა ვთქვა, რომ ძმებმა მამულაიშვილებმა საუკეთესო ფურცელი ჩაწერეს გურული სიმღერის აღდგენისა და განვითარების საქმეში. ღმერთმა ნათელში ამყოფოს ძმები.
https://www.facebook.com/groups/707873013428376/ – გურული ფოლკლორის გულშემატკივარი
გააზიარეთ და მოიწონეთ სტატია: