კორონავირუსის დელტა შტამით 26 წლის კაცი გარდაიცვალა

კორონავირუსით 26 წლის კაცი გარდაიცვალა. “მთავარი არხის” ინფორმაციით, კოტე ლოლაშვილს დელტა შტამი ჰქონდა დადასტურებული და 3 დღის განმავლობაში დედოფლისწყაროში, ადგილობრივ კლინიკაში მკურნალობდა, თუმცა მას შემდეგ, რაც მდგომარეობა დამძიმდა, ის თბილისში გადმოიყვანეს.

კოტე ლოლაშვილი თბილისის საუნივერსიტეტო კლინიკაში 10 დღის განმავლობაში მკურნალობდა, თუმცა ექიმებმა მისი გადარჩენა ვერ შეძლეს.

არსებული ინფორმაციით, გარდაცვლილს თანმხლები დაავადებები არ ჰქონია.

კოტე ლოლაშვილი, წლების განმავლობაში, დედოფლისწყაროს მუნიციპალიტეტის ქორეოგრაფიული ანსამბლის წევრი იყო. გარდაცვლილს, მეუღლე და ორი მცირეწლოვანი შვილი დარჩა.

გააზიარეთ და მოიწონეთ სტატია: